मुंबईकरांनो, आज जर तुम्ही लोकलने प्रवास करण्याचा विचार करत असाल तर जरा थांबा; त्या आधी वाचा ही बातमी

मुंबई: मुंबईकरांनो जर तुम्ही आज लोकलने प्रवास करण्याचा विचारत असाल तर घराच्या बाहेर निघण्याआधी ही बातमी वाचा, कारण आज रेल्वेच्या दोन मार्गावर मेगाब्लॉक घेण्यात येणार आहे. त्यामुळे घराबाहेर पडण्यापूर्वी लोकलचे वेळापत्रक पाहणे तुमच्यासाठी फायदेशीर ठरेल. उपनगरीय रेल्वे रुळाच्या दुरुस्ती आणि तांत्रिक कामासाठी मध्य आणि हार्बर रेल्वे मार्गावर आज मेगाब्लॉक घेण्यात येणार आहे.

अभियांत्रिकी आणि देखभालीची कामे करण्यासाठी मध्य रेल्वे 25 सप्टेंबर रोजी म्हणजेच रविवारी उपनगरीय स्थानकांवर मेगाब्लॉक घेणार आहे. या काळात अनेक गाड्यांवर परिणाम होणार आहे. कोणतीही गैरसोय टाळण्यासाठी, प्रवासी येथून मेगा ब्लॉक दरम्यान प्रभावित होणार्‍या गाड्यांचे तपशील तपासू शकतात. सकाळी 11.05 ते दुपारी 3.45 वाजेपर्यंत माटुंगा-ठाणे अप आणि डाऊन धीम्या मार्गावर परिणाम होईल.

सकाळी 10.14 ते दुपारी 3.18 या वेळेत छत्रपती शिवाजी महाराज टर्मिनस मुंबईहून सुटणाऱ्या डाऊन धीम्या मार्गावरील सेवा माटुंगा आणि ठाणे स्थानकांदरम्यान सायन, कुर्ला, घाटकोपर, विक्रोळी, भांडुप, मुलुंड आणि ठाणे स्थानकांदरम्यान वळवल्या जातील. सीआरने आपल्या निवेदनात म्हटले आहे की, गाड्या त्यांच्या नियोजित वेळेच्या 15 मिनिटे उशिरा धावतील. तर कल्याणहून सकाळी 10.25 ते दुपारी 3.10 या वेळेत सुटणाऱ्या अप धीम्या मार्गावरील लोकल सेवा ठाणे ते माटुंगा दरम्यान अप जलद मार्गावर वळवण्यात येईल, या सेवा ठाणे, मुलुंड, भांडुप, विक्रोळी, घाटकोपर, कुर्ला आणि शीव येथे थांबतील. या लोकल रेल्वे नियोजित वेळेपेक्षा 15 मिनिटे उशिरा पोहोचतील. सकाळी 11.00 ते संध्याकाळी 5.00 पर्यंत सीएसएमटीहून सुटणाऱ्या/पोहोचणाऱ्या सर्व अप आणि डीएन लोकल नियोजित वेळेच्या 15 मिनिटे उशिरा पोहोचतील.