जिल्ह्यातील आरोग्य सेवांचे बळकटीकरण करुन नागरिकांना उत्तम प्रकारे आरोग्य सुविधा पुरविण्यासाठी प्रयत्नशील – पालकमंत्री चंद्रकांत पाटील

पुणे : पुणे जिल्हा परिषदेच्या शरदचंद्र पवार सभागृहात आयोजित उत्कृष्ट प्राथमिक आरोग्य केंद्र, कायाकल्प व आशा स्वयंसेवीका यांचा, राज्याचे सार्वजनिक आरोग्य मंत्री तानाजी सावंत तसेच पालकमंत्री चंद्रकांत पाटील यांच्या प्रमुख उपस्थितीत पुरस्कार देऊन गौरव करण्यात आला. जिल्हा नियोजन समितीच्या आणि सामाजिक उत्तरदायित्व निधीतून आरोग्य केंद्र आणि शाळांच्या पायाभूत सुविधा उभारण्यात येणार आहेत. जिल्ह्यातील आरोग्य सेवांचे बळकटीकरण करुन नागरिकांना उत्तम प्रकारे आरोग्य सुविधा पुरविण्यासाठी प्रयत्नशील असल्याचे यावेळी चंद्रकांत पाटील म्हणाले.