अखिल भारतीय आंतर विद्यापीठ नेमबाजी स्पर्धेसाठी निवड झालेली कोल्हापूरची सुवर्णकन्या अनुष्का पाटीलचे चंद्रकांत पाटील यांनी केले अभिनंदन
कोल्हापूर : नेमबाजीच्या क्षेत्रातील नवोदित नामवंत नेमबाज आणि कोल्हापूरची सुवर्णकन्या अनुष्का पाटील यांनी आंतरविभागीय नेमबाजी स्पर्धेत दोन सुवर्णपदके पटकावली आहेत. या यशामुळे अनुष्काला नवी दिल्ली येथे होणाऱ्या अखिल भारतीय आंतर विद्यापीठ नेमबाजी स्पर्धेसाठी निवड झाली आहे. यासाठी उच्च व तंत्र शिक्षण मंत्री चंद्रकांत पाटील यांनी अनुष्काचे अभिनंदन केले.
चंद्रकांत पाटील यांनी सोशल मीडियावर पोस्ट शेअर करत अनुष्का पाटील या कोल्हापूरच्या सुवर्णकन्येचे कौतुक केले आहे. त्यांनी आपल्या पोस्टमध्ये म्हटले आहे कि, अत्यंत अभिमानास्पद! नेमबाजीच्या क्षेत्रातील नवोदित नामवंत नेमबाज आणि कोल्हापूरची सुवर्णकन्या अनुष्का पाटील यांनी आंतरविभागीय नेमबाजी स्पर्धेत दोन सुवर्णपदके पटकावली आहेत. या यशामुळे त्यांची नवी दिल्ली येथे होणाऱ्या अखिल भारतीय आंतर विद्यापीठ नेमबाजी स्पर्धेसाठी निवड झाली आहे. अनुष्काला प्रगतीची शिखरे सर करताना पाहून आनंद वाटतो. घडघवीत यश संपादन केल्याबद्दल अनुष्का यांचे हार्दिक अभिनंदन आणि पुढील वाटचालीसाठी मनःपूर्वक शुभेच्छा!