भविष्यात अनाथांना उच्च शिक्षणासाठी फी द्यावी लागणार नाही, अशा प्रकारची तरतूद करण्याचा राज्य सरकारचा प्रयत्न –  उच्च व तंत्र शिक्षण मंत्री चंद्रकांत पाटील

चंद्रकांत पाटील म्हणाले कि, राजमाता जिजाऊ माॅंसाहेब आणि स्वामी विवेकानंद यांनी आपल्याला जीवनात संघर्ष करण्याची शिकवण दिली. या दोन्ही महान व्यक्तीमत्वांनी समाजाची काळजी करायला शिकवले. समाजातील १८ वर्षे पूर्ण झालेल्या अनाथांना सनाथ म्हणून ओळख देणे, हे अतिशय पुण्याचे आणि खडतर कार्य आहे. श्रीकांत भारतीय यांनी हे खडतर काम अतिशय कठोर परिश्रम घेऊन उभे केले आहे.‌

पाटील पुढे म्हणाले कि, विधान परिषदेचा आमदार म्हणून काम करतानाही ते याच विषयावर सर्वाधिक भर देत आहेत. त्यातूनच अनाथांना राज्यात एक टक्का आरक्षणाचा लाभ मिळाला. भविष्यात अनाथांना उच्च शिक्षणासाठी फी द्यावी लागणार नाही, अशा प्रकारची तरतूद करण्याचा राज्य सरकारचा प्रयत्न आहे, अशी भावना या कार्यक्रमात पाटील यांनी व्यक्त केली