उच्च व तंत्र शिक्षण मंत्री चंद्रकांत पाटील यांच्या हस्ते चतु:शृंगी परिसरातील दीड कोटी रुपयांच्या विविध विकासकामांचे भूमिपूजन

7

पुणे : चतु:शृंगी म्हणजे सर्व पुणेकरांचे श्रद्धास्थान! नाशिकमधील वणीच्या सप्तशृंगी देवीचे प्रतिरुप म्हणून ही चतु:शृंगी प्रचलित आहे. त्यामुळे, शारदीय नवरात्रौत्सव काळात केवळ पुणेकरच नव्हे तर महाराष्ट्राच्या विविध भागातून भाविकभक्त आईच्या दर्शनासाठी येत असतात. त्यामुळे, राज्य सरकारच्या पर्यटन विभागाने या मंदिराला ‘क’ वर्ग दर्जा दिला आहे. उच्च व तंत्र शिक्षण मंत्री चंद्रकांत पाटील यांनी पालकमंत्री असताना या मंदिरासाठी १.५० कोटीचा निधी मंजूर केला होता. या कामाचे आज पाटील यांच्या हस्ते भूमिपूजन करण्यात आले.

चंद्रकांत पाटील यांनी माहिती दिली कि, या मंदिरात येणाऱ्या भाविकांची सोय व्हावी; त्यांना आईच्या दर्शनात कोणत्याही प्रकारची गैरसोय होऊ नये; यासाठी आमदार माधुरीताई मिसाळ यांनी मी पुण्याचा पालकमंत्री असताना विविध विकासकामांसाठी निधी मिळावा अशी मागणी केली होती. त्यांच्या मागणीचा गांभीर्याने विचार करुन आणि भाविकांची कोणत्याही प्रकारची गैरसोय होऊ नये यासाठी १.५० कोटीचा निधी मंजूर केला होता. यावेळी मंदिर देवस्थान समितीच्या सदस्यांनी ज्येष्ठ नागरिक आणि दिव्यांग बांधवांना दर्शनासाठी सरकते जिने म्हणजेच एस्केलेटर बसविण्यात यावेत अशी मागणी केली. त्यावर तात्काळ शासन स्तरावर पाठपुरावा करुन निधी उपलब्ध करून देऊ, तसेच लोकसहभागातून इथे व्यवस्था उपलब्ध करून देण्याची ग्वाही पाटील यांनी याप्रसंगी दिली.
पाटील म्हणाले, पुण्यातील चतु:शृंगी देवस्थान हे लाखो भाविकांचे श्रद्धास्थान आहे. नाशिक जिल्ह्यातील वणीच्या सप्तशृंगी देवीचे प्रतिरुप म्हणूनही चतु:शृंगी देवीला ओळखले जाते. त्यामुळे शारदीय नवरात्रौत्सव काळात देवीच्या दर्शनासाठी पुण्यासह संपूर्ण महाराष्ट्रातून भाविक देवीच्या दर्शनासाठी येत असतात.

कार्यक्रमाला आमदार माधुरी मिसाळ, मंदिर देवस्थानचे विश्वस्त नंदू अनगळ, उद्योजक कृष्णकुमार गोयल, माजी नगरसेवक आदित्य माळवे, शाम सातपुते, रवी साळेगावकर, दत्ता खाडे आदी उपस्थित होते.

Get real time updates directly on you device, subscribe now.