पुणे : उच्च व तंत्र शिक्षण मंत्री चंद्रकांत पाटील आज पुणे दौऱ्यावर आहेत. यावेळी त्यांनी पत्रकारांशी संवाद साधला. लोकसभा निवडणुकीबाबत पंतप्रधान नरेंद्र मोदी यांनी पक्षांना काय आदेश दिले याबाबत पाटील यांनी माहिती दिली.
चंद्रकांत पाटील यांनी म्हटले कि, लोकसभा निवडणुकांचे रणशिंग फुंकले आहे. या पार्श्वभूमीवर एकूण आम्ही जे १६ पक्ष आहोत ज्यांची महायुती तयार होते अशा सर्व पक्षांच्या बैठक होईल. ज्यामध्ये बूथ लेव्हल पर्यंत कॉर्डीनेशन कसे करता येईल याबाबत चर्चा केली जाईल. पाटील म्हणाले कि, एक बूथ हजार संख्येचा असेल तर बुथवर २०० मतदान कधी होतच नाही, कारण त्यातील काही लोक मृत झालेले असतात. त्यामुळे ८०० वर मतदान झालं. ८०० च्या ६०%मतदान झालं तर ४८० होतील. तर ४८० मधील आमची सगळ्यांची नावं ४०० झाली तर विरोधकांनी फॉर्म देखील भरू नये असा सल्ला तुम्हाला द्यावा लागेल असे पाटील यांनी पत्रकारांना म्हटले.
पाटील पुढे म्हणाले कि, पंतप्रधान नरेंद्र मोदी यांचा हा आग्रह आहे कि, ३७० कलम रद्द केलं या निर्णयाबद्दल मोदींच कौतुक करण्यासाठी म्हणून त्यांनी ३७० चे टार्गेट दिले असल्याची माहिती पाटील यांनी दिली. त्यामुळे प्रत्येक बुथवर जी मत महायुती सरकारला मिळत होती त्यात आता ३७० मत अधिक मिळविण्याचे मोदी यांनी आम्हाला बैठकीत सांगितले असल्याची माहिती पाटील यांनी यावेळी दिली.