राज्यातील कृषी क्षेत्रासाठी ऐतिहासिक दिवस – उच्च व तंत्र शिक्षण मंत्री चंद्रकांत पाटील

11
मुंबई : उपमुख्यमंत्री देवेंद्र फडणवीस यांच्या हस्ते सुमारे 9000 मे. वॉट सौरऊर्जेसाठी विकासकांना देकारपत्र (लेटर ऑफ अवॉर्ड) गुरुवारी प्रदान करण्यात आले. यातून 40,000 कोटी रुपये गुंतवणूक होणार असून, 25 हजार रोजगार निर्माण होणार आहेत. पुढच्यावर्षी 40 टक्के कृषीफिडर हे सौरऊर्जेवर येणार असून, शेतकऱ्यांना दिवसा वीज मिळणे शक्य होणार असल्याची माहिती उच्च व तंत्र शिक्षण मंत्री चंद्रकांत पाटील यांनी दिली.
स्पर्धात्मक निविदा प्रक्रिया राबवून हे देकारपत्र गुरुवारी सह्याद्री अतिथीगृहात झालेल्या एका कार्यक्रमात प्रदान करण्यात आले. शेतकऱ्यांना दिवसा वीज मिळावी, यासाठी 2016 मध्ये देवेंद्र फडणवीस यांनी मुख्यमंत्री सौरकृषी वाहिनी योजना प्रारंभ केली होती. त्यानंतरच्या काळात 2000 मे.वॉट पर्यंत निर्मिती करण्यात आली. आता 9000 मे.वॉट सौरऊर्जा तयार करण्यात येणार आहे, त्यामुळे 40 टक्के कृषीफिडर हे सौरऊर्जेवर येतील. राज्यातील असंख्य शेतकऱ्यांची दिवसा वीजेची सातत्याने मागणी होती. ही मागणी आता पूर्ण करणे शक्य होणार आहे. त्यामुळे हा दिवस महाराष्ट्राच्या कृषी जगतात सुवर्णाक्षरांनी लिहिला जाईल, असे मत पाटील यांनी व्यक्त केले. शेतकरी हिताच्या अनेक योजना राबविण्यात महाराष्ट्र अग्रेसर ठरला आहे, हेच आहे बळीराजाचे सरकार, कामगिरी दमदार.

Get real time updates directly on you device, subscribe now.