पंडित जितेंद्र अभिषेकी संगीत महोत्सवाचे उद्घाटन ज्येष्ठ शास्त्रज्ञ रघुनाथ माशेलकर सर यांच्यासह उच्च व तंत्र शिक्षण मंत्री चंद्रकांत पाटील यांच्या हस्ते संपन्न
पुणे : पंडित जितेंद्र अभिषेकी संगीत महोत्सव म्हणजे पुण्याच्या सांस्कृतिक क्षेत्रातील मानदंड. यंदा महोत्सवाचे 18 वे वर्ष असून; भाजपा नेते आणि महोत्सवाचे आयोजक उज्ज्वल केसकर, आपला परिसर आणि तरंगिणी सांस्कृतिक प्रतिष्ठान यांच्या संयुक्त विद्यमाने सदर महोत्सवाचे आयोजन करण्यात आले आहे. आज या संगीतमय महोत्सवाचे उद्घाटन ज्येष्ठ शास्त्रज्ञ रघुनाथ माशेलकर सर यांच्यासह उच्च व तंत्र शिक्षण मंत्री चंद्रकांत पाटील यांच्या हस्ते करण्यात आले.
चंद्रकांत पाटील यांनी माहिती दिली कि, भारतीय शास्त्रीय संगीत परंपरेची अभिरुची आणि आकलन वाढविणारा आनंदमेळा असाही लौकिक या महोत्सवास प्राप्त आहे. वास्तविक, पंडितजींनी आपल्या अजरामर गायिकीने संगीत क्षेत्राला दिलेले योगदान रसिक प्रेक्षकांना ज्ञात आहेच. त्यांच्या शास्त्रीय संगीताच्या चतुरस्त्र मैफली आजही रसिकांच्या स्मरणात आहेत. मात्र, पंडितजींच्या सांगीतिक कार्याची माहिती भावी पिढीस व्हावी या उद्देशाने या महोत्सवाचे दरवर्षी आयोजन करण्यात येत असते. यंदा महोत्सवाचे 18 वे वर्ष आहे. या संगीतमय मैफीलीचे पहिले पुष्प पंडित रघुनंदन पणशीकर यांनी गुंफताना सर्वांनाच मंत्रमुग्ध केले.