देवेंद्र फडणवीस यांच्या शुभहस्ते व मंत्री चंद्रकांतदादा पाटील यांच्या अध्यक्षतेखाली माजी नगरसेवक अमोल बालवडकर यांच्या जनसंपर्क कार्यालयाचे उदघाटन संपन्न
पुणे : भाजपा नेते आणि माजी नगरसेवक अमोल बालवडकर यांच्या जनसंपर्क कार्यालयाचे उद्घाटन उपमुख्यमंत्री देवेंद्रजी फडणवीस यांच्या शुभहस्ते व राज्याचे उच्च व तंत्रशिक्षण मंत्री चंद्रकांतदादा पाटील यांच्या अध्यक्षतेखाली गुरुवारी मोठ्या उत्साहात संपन्न झाले.
चंद्रकांत पाटील यांनी या वेळी अमोल बालवडकर यांना पुढील वाटचालीसाठी शुभेच्छा दिल्या. देवेंद्र फडणवीस यांनी उपस्थित सर्वांशी संवाद साधून मार्गदर्शन केले. तसेच बालवडकर यांच्या विकासकामांचे कौतुक करून जनतेसाठी सुरू केलेल्या या कार्यालयाच्या माध्यमातून समस्त नागरिकांचे प्रश्न निश्चितपणे सुटतील ही सदिच्छा व्यक्त केली.
याप्रसंगी माजी मंत्री हर्षवर्धन पाटील, माजी भाजपा शहराध्यक्ष जगदीश मुळीक, भाजपा पुणे शहराध्यक्ष धीरज घाटे, भाजपा पुणे शहर सरचिटणीस पुनीत जोशी, भाजपा पदाधिकारी, ज्येष्ठ नागरिक व महिला भगिनी, युवावर्ग, मित्रपरिवार, परिसरातील विविध सोसायटींमधील नागरिक तसेच बाणेर- बालेवाडी- सुस- म्हाळुंगे- पाषाण- सोमेश्वरवाडी- औंध मधील ग्रामस्थ मोठ्या संख्येने उपस्थित होते.