आमदार पी. एन. पाटील यांच्या निधनाने सर्वसामान्यांच्या प्रश्नांची जाण असणाऱ्या एका कृतिशील व्यक्तीमत्वास आपण मुकलो – चंद्रकांत पाटील
मुंबई : विधानसभेच्या करवीर मतदारसंघाचे आमदार पी. एन. पाटील यांचे आज पहाटे एका खासगी रुग्णालयात उपचारादरम्यान निधन झाले. वयाच्या ७१ व्या वर्षी त्यांनी अखेरचा श्वास घेतला. त्यांच्या निधनाचे वृत्त अत्यंत क्लेशदायक असल्याचे उच्च व तंत्र शिक्षण मंत्री चंद्रकांत पाटील यांनी म्हटले.
चंद्रकांत पाटील यांनी म्हटले कि, आमदार पी. एन. पाटील यांच्या निधनाचे वृत्त अत्यंत क्लेशदायक आहे. त्यांच्या निधनाने सर्वसामान्यांच्या प्रश्नांची जाण असणाऱ्या एका कृतिशील व्यक्तीमत्वास आपण मुकलो आहोत. त्यांच्या स्मृतींना भावपूर्ण आदरांजली! या कठीण काळात पाटील कुटुंबियांच्या दुःखात आम्ही सहभागी आहोत, असे पाटील यांनी म्हटले.
गांधी घराण्याच्या विश्वासू म्हणूनच आमदार पी. एन. पाटील यांची आयुष्यभर ओळख झाली. कोल्हापूर लोकसभा काँग्रेसकडून श्रीमंत छत्रपती शाहू महाराज निवडणुकीच्या रिंगणात असल्याने आमदार पी. एन. पाटील यांनी करवीर मतदारसंघात जिल्ह्यात झंझावाती प्रचार केला होता.