चंद्रकांत पाटील यांच्या हस्ते विशेष मुलांच्या पुनर्वसन केंद्रातील मुलांची ने आण करण्याकरीता उपलब्ध करण्यात आलेल्या बस सेवेचे लोकार्पण
पुणे : प्रा फाउंडेशन संचालित विशेष मुलांच्या पुनर्वसन केंद्रातील विशेष मुलांची ने आण करणे सुलभ व्हावे व त्यांना त्यांच्या व्हील चेअरसह मोठ्या वाहनात बसता यावे यासाठी सी.एस.आर निधीतून वाहन उपलब्ध करून देण्यात आले. उच्च व तंत्र शिक्षण मंत्री चंद्रकांत पाटील यांच्या हस्ते या बस सेवेचे लोकार्पण करण्यात आले.
चंद्रकांत पाटील यांच्या हस्ते सोमवारी प्रा फाउंडेशन संचालित विशेष मुलांच्या पुनर्वसन केंद्रातील विशेष मुलांची ने आण कार्याकरिता उपलब्ध करण्यात आलेल्या बस सेवेचे लोकार्पण करण्यात आले. लोकार्पण केलेली ही बससेवा विशेष मुलांच्या सेवेत आजपासून रुजू होणार आहे.
या लोकार्पण सोहळ्यास भाजपा चे प्रदेश प्रवक्ता संदीप खर्डेकर, प्रा फाउंडेशन च्या सौ.प्राजक्ता कोळपकर, श्रीप्रसाद देशमुख, मंदार बलकवडे व इतर मान्यवर उपस्थित होते.