उच्च व तंत्र शिक्षण मंत्री चंद्रकांत पाटील यांनी मुलींच्या मोफत शिक्षणाबाबत वस्तुस्थिती केली विषद… लवकरच कार्यवाही पूर्ण होऊन शासन आदेश होणार लागू

चंद्रकांत पाटील म्हणाले कि,आर्टस् , सायन्स, कॉमर्सला आपल्या राज्यामध्ये पहिल्यापासूनच १०० टक्के फी माफ आहे. प्रोफेशनल प्रोसेसच्या ऍडमिशसाठी फी द्यावी लागते. ती कॉलेजेस अजून सुरु व्हायची आहेत. मुंबईत अजूनही निवडणुकीची आचारसंहिता आहे. मुंबईत पदवीधर आणि शिक्षक अशा दोन निवडणूका येत्या २६ तारखेला पार पडणार आहेत. ती आचार संहिता संपल्याशिवाय आपण कोणताही निर्णय घेतला तर आचारसंहितेप्रमाणे गुन्हा होईल. आचारसंहिता संपेल आणि २७ जून रोजी अधिवेशन सुरु होत आहे. अधिवेशनाच्या पहिल्या दिवशी यावर नक्कीच विचार होईल. लवकरच त्याची कार्यवाही पूर्ण होऊन शासन आदेश लागू होईल,असे पाटील यांनी माध्यमांशी बोलताना सांगितले.