पुणे शहरातील व जिल्हयातील अतिवृष्टी होत असलेल्या तालुक्यातील सर्व शाळांना उद्या सुट्टी असल्याचे आजच आदेश निर्गमित करावेत, चंद्रकांत पाटलांचे जिल्हाधिकाऱ्यांना पत्र

चंद्रकांत पाटील यांनी जिल्हाधिकारी यांना लिहिलेल्या पत्रामध्ये म्हटले आहे कि, मागील दोन दिवसापासून पुणे जिल्हा व पुणे शहरामध्ये मुसळधार पाऊस सुरु आहे. खडकवासला , पवना या धरणातून मोठया प्रमाणात पाण्याचा विसर्ग सुरु करण्यात ला आहे. त्यामुळे पुणे शहरातून मुळा व मुठा या नद्यांना मोठ्या प्रमाणात पूर आलेला आहे. पुराचे पाणी सखल भागात, झोपडपट्ट्यांमध्ये , अनेक सोसायट्यांमध्ये शिरले आहे.

आज सकाळी जाहीर करण्यात आलेल्या सुट्टीची अनेक शाळा व्यवस्थापन, पालक, विद्यार्थ्यांना वेळेवर माहिती न मिळाल्याने अनेकांची तारांबळ उडाली. आजही पावसाचा जोर कायम आहे. शहरातील नदी नाल्यांना पूर आलेला आहे. पूर आणखी वाढण्याची शक्यता आहे. त्यामुळे उद्या दि. २६ जुलै २०२४ रोजी सुट्टी असल्याचे आजच आदेश निर्गमित करावेत व त्या आदेशाला प्रशासनामार्फत व शिक्षणाधिकाऱ्यांमार्फत सर्वांना कळविण्यात यावेत, असे या पत्रात नमूद करण्यात आले आहे.