नागरिकांनी सतर्क रहा, अत्यंत महत्त्वाच्या कारणाशिवाय घराबाहेर पडणे कृपया टाळा, चंद्रकांत पाटील यांचे आवाहन

पुण्यात पावसामुळे आपत्कालिन परिस्थिती निर्माण झाली आहे.  या मुसळधार पावसाच्या पार्श्वभूमीवर कोथरूड मतदारसंघातील रजपूत वीट भट्टी, खिल्लारे वाडी येथील पूरग्रस्तांना चंद्रकांत पाटील याचं पुढाकाराने तातडीची मदत उपलब्ध करून देण्यात आली आहे. मदतीसाठी प्रशासकीय यंत्रणा आणि आम्ही उपलब्ध आहोत, असे पाटील यांनी म्हटले आहे. नागरिकांनाही नम्र विनंती आहे की, कृपया सतर्क रहा, अत्यंत महत्त्वाच्या कारणाशिवाय घराबाहेर पडणे कृपया टाळा, असे आवाहन चंद्रकांत पाटील यांनी केले आहे.

नागरिकांनी नदीपात्रात देखील उतरू नये, अशा सूचना पाटील यांनी दिल्या. नदीपात्राजवळील साहित्य किंवा पशुधन सुरक्षित ठिकाणी स्थलांतरित करावे. सखल भागातील रहिवाशानी सतर्क रहावे. तसेच, आवश्यक खबरदारी घ्यावी. शहरातील पुढील ठिकाणी तातडीने दक्षता घेण्यात यावी. तसेच या ठिकाणी पुढील सूचना मिळेपर्यंत जाऊ नये, असे आदेश प्रशासनाने दिले आहेत.