कोथरूड मतदारसंघात चंद्रकांत पाटील यांनी दहीहंडी उत्सवाच्या जल्लोषपूर्ण वातावरणात सहभागी होऊन सर्वांना दहीहंडी उत्सवाच्या दिल्या शुभेच्छा

पुणे : दहीहंडी म्हणजे आनंद, उत्साह आणि सांघिक भावना वाढवणारा सण! श्रीकृष्ण जन्माष्टमीच्या दुसऱ्या दिवशी संपूर्ण महाराष्ट्रात हा सण मोठ्या आनंदाने आणि उत्साहाने साजरा केला जातो. गोविंदा आला रे… च्या जयघोषात संपूर्ण आसमंत दणाणून जातो. काल पुण्यासह संपूर्ण महाराष्ट्रात हा सण मोठ्या आनंदाने साजरा झाला. उच्च व तंत्र शिक्षण मंत्री तथा कोथरूड मतदार संघाचे आमदार चंद्रकांत पाटील यांच्या कोथरूड मतदारसंघातही दहीहंडीचा सण उत्साहात साजरा करण्यात आला. यावेळी पाटील यांनी उपस्थित राहत आनंद लुटला.

कोथरुड मतदारसंघात दहीहंडी सणानिमित्त आनंदाला एक वेगळंच उधाण आलं होतं. जल्लोषाच्या या वातावरणात चंद्रकांत पाटील यांनी सहभागी होऊन सर्वांना दहीहंडी उत्सवाच्या शुभेच्छा दिल्या. यंदाच्या उत्सवात महिलांचाही सहभाग अतिशय उल्लेखनीय होता. यावेळी गोविदांनी चित्तथरारक मनोरे उभारले होते. पाटील या सगळ्याचा आनंद घेतला.