पिंपरी मधील नेहरुनगर येथील डॉ.आंबेडकर नगर पुनर्वसन प्रकल्पातील १४० लाभार्थ्यांना चंद्रकांत पाटील यांच्या हस्ते सदनिकांचे हस्तांतरण
पिंपरी चिंचवड : लोकनेते स्व. लक्ष्मणभाऊ जगताप यांच्या ६२ व्या जयंतीनिमित्त आज झोपडपट्टी पुनर्वसन योजनेअंतर्गत पिंपरी मधील नेहरुनगर येथील डॉ.आंबेडकर नगर पुनर्वसन प्रकल्पातील १४० लाभार्थ्यांना सदनिकांचे हस्तांतरण करण्यात आले. उच्च व तंत्र शिक्षण मंत्री चंद्रकांत पाटील यांच्या प्रमुख उपस्थितीत हा कार्यक्रम संपन्न झाला.
यावेळी चंद्रकांत पाटील म्हणाले, देशाचे यशस्वी पंतप्रधान माननीय नरेंद्र मोदीजी यांच्या पुढाकाराने आज देशातील प्रत्येक घरात स्वच्छतागृह आणि उज्वला योजनेच्या माध्यमातून महिलांना स्वयंपाकघरात गॅस सिलिंडर उपलब्ध झाले आहेत. त्यामुळे आज ही घरं उपलब्ध करून देत असताना अतिशय आनंद होत आहे, अशी भावना त्यांनी यावेळी व्यक्त केली.
याप्रसंगी आमदार शंकरभाऊ जगताप, माजी आमदार अश्विनी वहिनी जगताप, माजी महापौर हणमंत भोसले, वैशाली घोडेकर, माजी नगरसेवक राहुल भोसले, झोपडपट्टी पुनर्वसन प्राधिकरणाचे मुख्य कार्यकारी अधिकारी निलेश गटणे यांच्यासह भागातील नागरिक मोठ्या संख्येने उपस्थित होते.