श्री साई एज्युकेशन ट्रस्टच्या वतीने लोकसहभागातून कै.आबाजी बाबुराव वाशिवाले निराधार व गरजू मुलांकरीता उभारण्यात आलेल्या वसतिगृहाचे चंद्रकांत पाटील यांच्या हस्ते लोकार्पण
पुणे : कोथरुड मतदारसंघातील म्हातोबानगर येथे श्री साई एज्युकेशन ट्रस्टच्या वतीने लोकसहभागातून कै.आबाजी बाबुराव वाशिवाले निराधार व गरजू मुलांकरीता वसतिगृह उभारण्यात आले आहे. रविवारी उच्च व तंत्र शिक्षण मंत्री तथा कोथरूड मतदारसंघाचे आमदार चंद्रकांत पाटील यांच्या हस्ते या वसतिगृहाचे लोकार्पण करण्यात आले.
कोथरूडमध्ये चंद्रकांत पाटील यांच्या सहकार्याने अनेक सामाजिक उपक्रम राबविले जातात. अनेक सामाजिक संस्था तसेच वसतिगृहांच्या माध्यमातून गरजूना मदतीचा हात पुढे करतात. यासाठी चंद्रकांत पाटील नेहमीच पुढाकार घेत असतात. याच सामाजिक उपक्रमाचा भाग म्हणून हे वसतिगृह उभारण्यात आले आहे. यावेळी पाटील यांनी वसतिगृहाची संपूर्ण पाहणी करून सुविधांची माहिती देखील घेतली.
यावेळी ह.भ.प. चंद्रकांत महाराज वांजळे, भाजपा कोथरूड दक्षिण मंडल अध्यक्ष डॉ.संदीप बुटाला यांसह इतर मान्यवर उपस्थित होते.