समाजाच्या गरजा ओळखून कार्यकर्ते काम करत आहेत, ही बाब अत्यंत आनंददायी – उच्च व तंत्र शिक्षण मंत्री चंद्रकांत पाटील

पुणे : भाजपा युवा मोर्चा पुणे शहर उपाध्यक्ष शिवम बालवडकर आणि प्रियंका बालवडकर यांच्या माध्यमातून बाणेर-बालेवाडीतील रिक्षाचालकांसाठी सीएनजी कुपन, तसेच सफाई कामगार बांधवांसाठी छत्री आणि रेनकोट वाटप करण्यात आले. यावेळी उच्च व तंत्र शिक्षण मंत्री तथा कोथरूड मतदार संघाचे आमदार चंद्रकांत पाटील यांची प्रमुख उपस्थिती होती.

यावेळी चंद्रकांत पाटील यांनी उपस्थितांना मार्गदर्शन करताना आपल्या कार्यकर्त्यांचे अभिनंदन केले. समाजाच्या गरजा ओळखून कार्यकर्ते काम करत आहेत, ही बाब अत्यंत आनंददायी आहे, असे मत यावेळी चंद्रकांत पाटील यांनी व्यक्त केले.

यावेळी भाजप कोथरूड उत्तर मंडल अध्यक्ष लहू बालवडकर, पुणे शहर सरचिटणीस गणेश कळमकर, प्रल्हाद सायकर, प्रकाश तात्या बालवडकर, सचिन पाषाणकर, मोरेश्वर बालवडकर, सचिन दळवी, सुभाष भोळ, भाजपा नेत्या उमाताई गाडगीळ, अस्मिता करंदीकर, निकीता माथाडे यांच्यासह भाजपचे सर्व पदाधिकारी उपस्थित होते.