मंत्री चंद्रकांत पाटील यांच्या अध्यक्षतेखाली उच्च व तंत्रशिक्षण विभागाच्या १५० दिवसांच्या कार्यक्रमाची आढावा बैठक संपन्न
मुंबई : मंत्रालय येथे उच्च व तंत्र शिक्षण मंत्री चंद्रकांत पाटील यांच्या अध्यक्षतेखाली उच्च व तंत्रशिक्षण विभागाच्या १५० दिवसांच्या कार्यक्रमाची आढावा बैठक पार पडली. या बैठकीत १५० दिवसांच्या कार्ययोजनेच्या अंमलबजावणीचा सखोल आढावा घेण्यात आला.
चंद्रकांत पाटील यांच्या उपस्थितीत कार्यक्रमांतर्गत गतीने राबविण्यात आलेल्या योजनांची प्रगती, येत्या काळातील कार्यप्रणाली, तसेच धोरणात्मक निर्णयांवर सविस्तर चर्चा यावेळी करण्यात आली.
या बैठकीस विभागाचे अपर मुख्य सचिव बी. वेणुगोपाल रेड्डी, उच्च शिक्षण संचालक डॉ. शैलेंद्र देवळाणकर, तंत्रशिक्षण संचालक डॉ. विनोद मोहितकर, महाराष्ट्र राज्य तंत्रशिक्षण मंडळाचे संचालक डॉ. प्रमोद नाईक, ग्रंथालय संचालक अशोक गाडेकर, उपसचिव अशोक मांडे, प्रताप लुबाळ, संतोष खोरगडे तसेच विभागातील इतर संबंधित अधिकारी उपस्थित होते.