आंतरसोसायटी एकांकिका स्पर्धेच्या निमित्ताने नवोदित कलाकारांनी आपली कला सादर करत राहावी आणि रंगभूमी समृद्ध व्हावी – मंत्री चंद्रकांत पाटील

12

पुणे : उच्च व तंत्र शिक्षण मंत्री तथा कोथरूड मतदारसंघाचे आमदार चंद्रकांत पाटील यांच्या कोथरूड मतदारसंघातील हौशी व नवोदित कलाकारांना योग्य व्यासपीठ उपलब्ध व्हावे, या हेतूने दरवर्षी “आंतरसोसायटी एकांकिका स्पर्धा” आयोजित केली जाते. यंदा या उपक्रमाचे तिसरे वर्ष आहे आणि दरवर्षीप्रमाणेच यावर्षीही कोथरुडकरांचा उत्स्फूर्त प्रतिसाद मिळत आहे. आज या स्पर्धेअंतर्गत आनंदनगर सोसायटीतर्फे सादर करण्यात आलेल्या ‘बार्बी’ या नाट्यकृतीचा मंत्री चंद्रकांत पाटील यांनी आनंद घेतला.

यावेळी चंद्रकांत पाटील म्हणाले, स्पर्धेत सहभागी झालेल्या सर्वच संघांनी आपापल्या कला-साधनेतून रसिकांना एक वेगळा अनुभव दिला आहे. अशाच प्रकारे नवोदित कलाकारांनी आपली कला सादर करत राहावी आणि रंगभूमी समृद्ध व्हावी, हीच सदिच्छा पाटील यांनी यावेळी व्यक्त केली.

चंद्रकांत पाटील आपल्या मतदारसंघात विविध उपक्रम राबवत असतात. विशेष करून तरुणाईला सहभागी करता येईल असे अनेक उपक्रम ते लोकसहभागातून पार पडत असतात. अशाच प्रकारचा उपक्रम म्हणजे हि आंतरसोसायटी एकांकिका स्पर्धा. या स्पर्धेच्या निमित्ताने नवोदित कलाकारांना एक हक्कच व्यासपीठ पाटील यांनी उपलब्ध करून दिले आहे.

Get real time updates directly on you device, subscribe now.