नामदार चंद्रकांत पाटील यांच्या उपस्थितीत फ्यूएल संस्थेच्या माध्यमातून कोथरूडमधील १०० गरजू मुलींना शिक्षणासाठी शिष्यवृत्ती प्रदान कार्यक्रम संपन्न
पुणे : उच्च व तंत्र शिक्षण मंत्री तथा कोथरूड मतदारसंघाचे आमदार चंद्रकांत पाटील आपल्या मतदारसंघातील नागरिकांच्या सेवेसाठी सदैव तत्पर असतात. नागरिकांच्या सोयीसुविधांकडे पाटील यांचे काटेकोरपणे लक्ष असते. आर्थिक अडचणीत असेल्या नागरिकांना ते नेहमीच पुढाकार घेऊन मदत करत असतात. आर्थिक अडचणीमुळे एकही मुलगी शिक्षणापासून वंचित राहू नये, हा माझा त्यांचा प्रामाणिक प्रयत्न असतो. यासाठी ते मदतीसाठी सदैव तत्पर असतात.
चंद्रकांत पाटील यांच्या उपस्थितीत रविवारी फ्युएल संस्थेने कोथरूडमधील १०० गरजू मुलींना शिक्षणासाठी शिष्यवृत्ती प्रदान कार्यक्रम आयोजित केला होता. या कार्यक्रमास उपस्थित राहून पाटील यांनी संस्थेचे मनःपूर्वक अभिनंदन केले आणि सर्व विद्यार्थिनींना उज्ज्वल भविष्यासाठी शुभेच्छा दिल्या.
गेल्या पाच वर्षांपासून चंद्रकांत पाटील हे कोथरूडमधील आर्थिक दुर्बल कुटुंबातील मुलींना लोकसहभागातून शिक्षणासाठी मदत करत आहेत. या उपक्रमातून प्रेरणा घेत, फ्यूएल संस्थेच्या माध्यमातून कोथरूडमधील १०० गरजू मुलींना शिक्षणासाठी शिष्यवृत्ती प्रदान करण्याचा निर्णय घेण्यात आला आहे. या निर्णयाचे चंद्रकांत पाटील यांनी स्वागत केले.
यावेळी फ्यूएल संस्थेचे सीईओ केतन देशपांडे, मयुरी देशपांडे, किरण कानडे यांच्यासह विद्यार्थिनी व पालक मोठ्या संख्येने उपस्थित होते.