उच्च व तंत्र शिक्षण मंत्री चंद्रकांत पाटील यांच्या अध्यक्षतेखाली आज यशवंतराव चव्हाण महाराष्ट्र मुक्त विद्यापीठ, नाशिक यांच्या विविध प्रश्नांवर आढावा बैठक संपन्न
मुंबई : मंत्रालयात उच्च व तंत्र शिक्षण मंत्री चंद्रकांत पाटील यांच्या अध्यक्षतेखाली आज यशवंतराव चव्हाण महाराष्ट्र मुक्त विद्यापीठ, नाशिक यांच्या विविध प्रश्नांवर आढावा बैठक घेण्यात आली. बैठकीदरम्यान विद्यापीठाच्या शैक्षणिक, प्रशासकीय व विकासात्मक कामकाजाचा सविस्तर आढावा घेण्यात आला.
विद्यार्थ्यांना दर्जेदार, सुलभ आणि तंत्रज्ञानाधारित शिक्षण उपलब्ध व्हावे, यासाठी आवश्यक त्या सुधारणा व उपाययोजना राबविण्याचे निर्देश यावेळी चंद्रकांत पाटील यांनी दिले. तसेच मुक्त विद्यापीठाच्या माध्यमातून ग्रामीण व दुर्गम भागातील विद्यार्थ्यांपर्यंत शिक्षण पोहोचविण्यासाठी ठोस योजना आखण्याचेही आवाहन यावेळी त्यांनी केले.
या बैठकीस उच्च व तंत्रशिक्षण विभागाचे अपर मुख्य सचिव श्री. बी. वेणुगोपाल रेड्डी, उच्च शिक्षण संचालक डॉ. शैलेंद्र देवळाणकर, उपसचिव श्री. प्रताप लुबाळ, कुलगुरू प्रा. सजीव सोनवणे तसेच संबंधित अधिकारी उपस्थित होते.