छत्रपती शिवाजी नगर मतदारसंघ उत्तर मंडलाचे सरचिटणीस प्रकाश सोळंकी यांच्या जनसंपर्क कार्यालयाचे उद्घाटन नामदार चंद्रकांत पाटील यांच्या हस्ते संपन्न
पुणे : पुणे येथे छत्रपती शिवाजी नगर मतदारसंघ उत्तर मंडलाचे सरचिटणीस प्रकाश सोळंकी यांच्या जनसंपर्क कार्यालयाचे उद्घाटन उच्च व तंत्र शिक्षण मंत्री तथा कोथरूड मतदारसंघाचे आमदार चंद्रकांत पाटील यांच्या हस्ते करण्यात आले. हे कार्यालय स्थानिक नागरिकांच्या अडचणी सोडवणारे आणि जनसेवेचे खरे केंद्र ठरो, अशा शुभेच्छा यावेळी पाटील यांनी दिल्या.
प्रकाश सोळंकी यांचा वाढदिवस अभिष्टचिंतन सोहळा आणि जनसंपर्क कार्यालयाचे भव्य उद्घाटन एकता पार्क सोसायटी, शिवाजीनगर येथे उत्साहात संपन्न झाला. यावेळी चंद्रकांत पाटील यांनी उपस्थित राहून सोळंकी यांना वाढदिवसाच्या शुभेच्छा दिल्या. यासोबतच उपस्थितांना मार्गदर्शन केले.
या प्रसंगी भागातील नागरिक आणि भाजपाचे पदाधिकारी मोठ्या संख्येने उपस्थित होते.