उच्च व तंत्र शिक्षण मंत्री चंद्रकांत पाटील भोर नगर परिषद निवडणुकीत भारतीय जनता पक्षाच्या प्रचारासाठी भोर शहर दौऱ्यावर
पुणे : भोर नगर परिषद निवडणुकीत भारतीय जनता पक्षाच्या प्रचारासाठी आज उच्च व तंत्र शिक्षण मंत्री चंद्रकांत पाटील भोर शहर दौऱ्यावर आहेत . या दौऱ्याची सुरुवात माजी आमदार संग्राम थोपटे यांच्या राजगड ज्ञानपीठ संस्थेला भेट देऊन झाली. संस्थेच्या वतीने यावेळी पाटील यांचा स्वागत आणि सत्कार करण्यात आला.
शैक्षणिक क्षेत्रात संस्थेने उभा केलेला आदर्श आणि विद्यार्थ्यांच्या सर्वांगीण विकासासाठी केलेले कार्य अनुकरणीय आहे. भोरच्या विकासासाठी अशा संस्थांचे योगदान अत्यंत महत्त्वाचे असल्याचे मत पाटील यांनी व्यक्त केले.
यावेळी भोर तालुका, भोर शहर भारतीय जनता पक्षाच्या सर्व पदाधिकारी व कार्यकर्ते उपस्थित होते.