नगर पालिका निवडणुकीत महायुतीला प्रचंड जनसमर्थन मिळून भक्कम विजय मिळवण्यासाठी सर्व कार्यकर्त्यांनी एकजुटीने काम करा, मंत्री चंद्रकांत पाटील यांचे आवाहन
सांगली : ईश्वरपूर येथील हिंदुत्ववादी कार्यकर्ते रघुनाथ आप्पा कराडे यांच्या निवासस्थानी आज उच्च व तंत्र शिक्षण मंत्री तथा पालकमंत्री चंद्रकांत पाटील यांनी सदिच्छा भेट देऊन कार्यकर्त्यांसोबत मनमोकळा संवाद साधला.
स्थानिक प्रश्न, नगरपरिषद विकासाच्या दृष्टीने करावयाच्या कामांची दिशा आणि महायुतीच्या भूमिकेवर यावेळी सखोल चर्चा करण्यात आली. नगर पालिका निवडणुकीत महायुतीला प्रचंड जनसमर्थन मिळून भक्कम विजय मिळवण्यासाठी सर्व कार्यकर्त्यांनी एकजुटीने काम करण्याचे आवाहन यावेळी चंद्रकांत पाटील यांनी केले.
या भेटीदरम्यान जिल्हाध्यक्ष सम्राट महाडिक, महायुतीचे नगराध्यक्ष पदाचे उमेदवार विश्वनाथ बापू डांगे, सांगली महापालिका प्रभारी शेखर इनामदार, शिवसेना जिल्हा प्रमुख आनंदराव पवार, राहुल महाडिक, स्वरुपराव पाटील यांच्यासह भाजपा आणि महायुतीचे सर्व प्रमुख पदाधिकारी उपस्थित होते.