कोथरूड मधील वीर हनुमान तालीम, ज्येष्ठ नागरिकांसाठी विरंगुळा केंद्र, तसेच सार्वजनिक अभ्यासिका व ग्रंथालय या बहुउद्देशीय नूतन वास्तूचे भूमिपूजन मंत्री चंद्रकांत पाटील यांच्या प्रमुख उपस्थितीत संपन्न

पुणे : कोथरूड मतदारसंघातील सोमेश्वरवाडी परिसरात श्री विठ्ठल-रुक्मिणी मंदिर ट्रस्टतर्फे लोकसहभागातून उभारण्यात येत असलेल्या वीर हनुमान तालीम, ज्येष्ठ नागरिकांसाठी विरंगुळा केंद्र, तसेच सार्वजनिक अभ्यासिका व ग्रंथालय या बहुउद्देशीय नूतन वास्तूचे भूमिपूजन उच्च व तंत्र शिक्षण मंत्री तथा कोथरूड मतदारसंघाचे आमदार चंद्रकांत पाटील यांच्या प्रमुख उपस्थितीत बुधवारी संपन्न झाले.

या उपक्रमासाठी आवश्यक त्या सर्व मदतीची ग्वाही या निमित्ताने चंद्रकांत पाटील यांनी दिली. स्थानिकांच्या सुविधा व विकासासाठी हे केंद्र महत्त्वपूर्ण ठरणार असल्याचे मत पाटील यांनी व्यक्त केले.

या प्रसंगी ट्रस्टचे विश्वस्त शाम काकडे, पोपटराव जाधव, माजी सभापती बाळासाहेब चांदेरे, मा. नगरसेवक सनी निम्हण, भाजपाचे कोथरुड उत्तर मंडल अध्यक्ष लहू बालवडकर, माजी नगरसेविका ज्योती कळमकर, स्वप्नाली सायकर, भाजपा नेते गणेश कळमकर, प्रल्हाद सायकर, प्रकाशतात्या बालवडकर, माजी उत्तर मंडल अध्यक्ष सचिन पाषाणकर, सचिन दळवी, राहुल कोकाटे यांच्यासह सोमेश्वरवाडीतील ग्रामस्थ मोठ्या संख्येने उपस्थित होते.