धनगर समाजाच्या सर्वांगीण विकासासाठी भाजपा महायुती सरकार सातत्याने कटिबद्ध – मंत्री चंद्रकांत पाटील

सांगली : उच्च व तंत्र शिक्षण मंत्री तथा पालकमंत्री चंद्रकांत पाटील हे सध्या नगर परिषद निवडणूक प्रचारार्थ सांगली दौऱ्यावर आहेत. आज त्यांनी उरूण-ईश्वरपूर नगर परिषद निवडणूक प्रचाराच्या निमित्ताने धनगर समाज बांधवांशी संवाद साधला.

यावेळी पाटील म्हणाले, धनगर समाजाच्या सर्वांगीण विकासासाठी भाजपा महायुती सरकार सातत्याने कटिबद्ध राहिले आहे. समाजाचा विश्वास आणि आशीर्वाद यामुळेच विकासाचा वेग अधिक वाढत आहे. नगरपरिषद निवडणुकीत भाजपा महायुतीच्या सर्व उमेदवारांना भक्कम पाठिंबा देऊन विजयी करा, असे आवाहन यावेळी करण्यात आले.

या कार्यक्रमास आ. सदाभाऊ खोत, भाजपा जिल्हाध्यक्ष सम्राट महाडिक, शेखर इनामदार, राष्ट्रवादी काँग्रेसचे निशिकांत पाटील यांच्यासह महायुतीचे सर्व पदाधिकारी उपस्थित होते.