भाजपाच्या विजयी मोहिमेसाठी घरोघरी जाऊन मतदारांशी थेट संपर्क साधणे, जनतेपर्यंत पक्षाच्या विकास धोरणांची माहिती पोहोचवणे यावर विशेष भर द्या – मंत्री चंद्रकांत पाटील
कोल्हापूर : उच्च व तंत्र शिक्षण मंत्री चंद्रकांत पाटील हे सांगली दौऱ्यानंतर आज कोल्हापुरात दाखल झाले. नगर परिषद निवडणुकीचा जोरदार प्रचार भाजपकडून करण्यात येत आहे. कोल्हापुरात दाखल झाल्यावर प्रथम छत्रपती शिवाजी महाराज यांच्या पुतळ्यास अभिवादन करून जयसिंगपूर नगर परिषद निवडणुकीत भाजपा पुरस्कृत जयसिंगपूर विकास आघाडीच्या प्रचारार्थ नगर परिषदेतील सर्व उमेदवार आणि कार्यकर्त्यांशी त्यांनी संवाद साधला.
भाजपाच्या विजयी मोहिमेसाठी घरोघरी जाऊन मतदारांशी थेट संपर्क साधणे, जनतेपर्यंत पक्षाच्या विकास धोरणांची माहिती पोहोचवणे आणि जास्तीत जास्त मतदानाची प्रेरणा देणे यावर विशेष भर देण्याचे आवाहन यावेळी चंद्रकांत पाटील यांनी केले.
या प्रसंगी माधवराव घाटगे, विजय भोजे, हरिश सुर्यवंशी, डॉ. निता माने, चंद्रकांत जाधव, सर्जेराव पवार, ज्योतिराम जाधव, धीरज पटेल, राजेंद्र निरमळ तसेच नगराध्यक्ष पदाचे उमेदवार सुदर्शन कदम यांच्यासह सर्व मान्यवर उपस्थित होते.