मंत्री चंद्रकांत पाटील यांनी उरुण–ईश्वरपूर निवडणुकीत भाजपा महायुतीच्या प्रचारार्थ ईश्वरपूरमधील असंघटित क्षेत्रातील कामगार बांधव, माता-भगिनींशी साधला संवाद
सांगली : उरुण–ईश्वरपूर निवडणुकीत भाजपा महायुतीच्या प्रचारार्थ पालकमंत्री चंद्रकांत पाटील यांनी ईश्वरपूरमधील असंघटित क्षेत्रातील कामगार बांधव, माता-भगिनींशी संवाद साधला. पंतप्रधान नरेंद्र मोदी सर्वसामान्य नागरिकांचे जीवनमान उंचावण्यासाठी अनेक लोककल्याणकारी योजना राबवत आहेत. २५ कोटींपेक्षा जास्त कुटुंबांना दारिद्रयरेषेबाहेर काढण्याचे मोठे कार्य त्यांनी साध्य केले असून आता विकसित भारताच्या दिशेने देश वाटचाल करत आहे. असे पाटील यावेळी म्हणाले.
मुख्यमंत्री देवेंद्र फडणवीस यांनीही असंघटित क्षेत्रासाठी मुख्यमंत्री लाडकी बहीण योजना, लेक लाडकी योजना, तसेच गरीब घरातील मुलींना उच्च शिक्षण मोफत करण्याचा निर्णय यांसारख्या उपक्रमांद्वारे लाखो कुटुंबांना सक्षम केले आहे. या सर्व योजनांचा लाभ प्रत्येक पात्र कुटुंबापर्यंत पोहोचण्यासाठी आणि माननीय मोदीजी व देवेंद्रजींचे हात अधिक बळकट करण्यासाठी नगर परिषदेतील महायुतीच्या उमेदवारांना विजयी करण्याचे आवाहन यावेळी पाटील यांनी केले.
या कार्यक्रमास जिल्हाध्यक्ष सम्राट महाडिक, सांगली महापालिका प्रभारी शेखर इनामदार, राहुल महाडिक, स्वरुपराव पाटील, संजय हवालदार, चिमणभाऊ डांगे तसेच भाजपा व महायुतीचे सर्व पदाधिकारी उपस्थित होते.