मंत्री चंद्रकांत पाटील यांच्या पुढाकाराने घडला लोकशाही जिवंत ठेवणारा निर्णय… 350हून अधिक मतदारांचा मतदानावरील बहिष्कार थांबला
ईश्वरपूर : ईश्वरपूर नगरपरिषदेच्या निवडणुकीदरम्यान श्री सबनीस दत्त मंदिर परिसरातील साडेतीनशेहून अधिक मतदारांनी मतदानावर बहिष्कार जाहीर केला होता. त्यामुळे सर्वत्र नकारात्मक वातावरण निर्माण झाले. पालकमंत्री चंद्रकांत पाटील यांनी परिस्थितीचे गांभीर्य जाणून या विषयावर लक्ष केंद्रित केले. पाटील यांच्या तत्पर हस्तक्षेपामुळे लोकशाहीतील सर्वात महत्त्वाचा अधिकार ” मतदानाचा हक्क ” परत सुरक्षित झाला आहे.
पाण्याचा अत्यंत गंभीर प्रश्न, रस्त्यावरील लाईट्स, स्थानिक सुरक्षेचे प्रश्न, बाजारपेठेतील अडथळे अशा अनेक दीर्घकालीन समस्यांमुळे नागरिकांमध्ये तीव्र नाराजी निर्माण झाली होती. यासाठी येथील नागरिकांनी मतदानावर बहिष्कार जाहीर केला. हा बहिष्कार हटवण्यासाठी या भागात अनेक अग्रणी नेते गेले, चर्चा केली, त्यांनी मतदारांना समजावण्याचा प्रयत्न केला परंतु मतदारांनी कोणाचाही शब्द मान्य केला नाही.मतदारांचा विरोध अतिशय उग्र होता.
या परिस्थितीची गंभीरता समजताच सांगली जिल्ह्याचे पालकमंत्री आणि भाजपचे ज्येष्ठ नेते चंद्रकांत पाटील यांनी त्यांचे विश्वासू विकास देशमुख यांना प्रचारासाठी विशेष प्रतिनिधी म्हणून तातडीने ईश्वरपूरात पाठवले. संघाच्या मुशीत तयार झालेले विकास देशमुख यांनी पाटील यांच्या मार्गदर्शनाखाली अतिशय नम्रपणे सर्व नागरिकांशी आणि मतदारांची संवाद साधला त्यांच्या सर्व समस्या लिहून घेतल्या त्या सोडवण्याच्या संदर्भात चर्चा केली. या चर्चेतून सर्व मतदारांचा विश्वास त्यांनी संपादन केला. आणि योग्य वेळी नागरिक आणि चंद्रकांत पाटील यांची व्हिडिओ कॉन्फरन्सिंगद्वारे चर्चा घडवून आणली. पाटील यांनी अत्यंत महत्त्वाच्या बैठकीतून वेळ काढून सर्व मतदारांशी थेट व्हिडिओ कॉलद्वारे संवाद साधला.
पाटील यावेळी म्हणाले, विकास देशमुख यांनी आपले सर्व प्रश्न लिहून घेऊन मला कळवले आहेत. आपल्या सर्व समस्या मी स्वतःच्या देखरेखीखाली एका महिन्यात सोडवून घेतो. पाण्याचा प्रश्न हा माझ्या वैयक्तिक फॉलोअपमध्ये तातडीने सोडवला जाईल. आपल्या पाचही समस्या पूर्णतः सुटेपर्यंत विकास देशमुख दर 15 दिवसांनी मुंबईहून आपल्याला ईश्वरपुरला येऊन भेटेल आणि या सर्व समस्या सोडवण्यासाठी व्यक्तिगत पाठपुरावा करेल, असे आश्वासन यावेळी पाटील यांनी नागरिकांना दिले.
पाटील यांच्या या आश्वासक हस्तक्षेपाने वातावरण पूर्णपणे बदलले. त्यांनी ईश्वरपूर मधील मतदारांचा विश्वास जिंकला. विकास देशमुख यांनी नम्रतेने आणि शांतपणे सर्व संतप्त नागरिकांसोबत विस्तृत चर्चा केली. पाटील यांच्यासोबत गेली बारा वर्षे सेवा कार्य करत असताना… त्यांनी सर्वांना त्यांच्या अनुभवातून सांगितले की, चंद्रकांत दादांनी दिलेला शब्द आजवर कधीच मोडलेला नाही.
जिथे ईश्वरपूर मधील मोठे नेते वारंवार जाऊनही यशस्वी झाले नव्हते, त्या ठिकाणी चंद्रकांत दादांच्या एका आश्वासक व्हिडिओ कॉलमुळे काही मिनिटांतच मतदानावरील बहिष्काराचा निर्णय मागे घेण्यात आला…पाटील यांनी लोकशाही जिवंत ठेवली. सर्व मतदारांनी एकमुखाने निर्णय घेतला की, आम्ही 100% मतदान करू. महा-युतीच्या उमेदवारांच्या विजयासाठी आम्ही कटिबद्ध आहोत. दादांचा शब्द असल्याने आम्ही बहिष्कार मागे घेत आहोत.
विकास देशमुख यांनी चंद्रकांत पाटील यांच्या मार्गदर्शनाखाली सर्व नागरिकांना आश्वस्त केले की समस्या सुटून पूर्ण होईपर्यंत दर 15 दिवसांनी मी स्वतः मुंबई वरून येऊन भेट देईन. पाण्याचे काम पूर्ण झाल्यानंतर उद्घाटन दादांच्या हस्तेच होईल.
या सर्व प्रक्रियेत चंद्रकांत पाटील यांच्या तत्पर हस्तक्षेपामुळे लोकशाहीतील सर्वात महत्त्वाचा अधिकार ” मतदानाचा हक्क ” परत सुरक्षित झाला. चंद्रकांत दादांच्या हस्तक्षेपामुळे आणि समाजामध्ये त्यांच्या शब्दावर असलेला विश्वास आणि त्यांच्या जवळील चाणाक्ष प्रतिनिधी यामुळे 350 हून अधिक मतदारांचा मतदानावरील बहिष्कार थांबला आणि चंद्रकांत दादांनी मतदारांचा विश्वास जिंकला.