डॉ. अशोक मोडक यांची समाजहितासाठीची तळमळ, मूल्याधिष्ठित शिक्षणाची दूरदृष्टी आणि जनसेवेसाठीचे योगदान सदैव स्मरणात राहील – उच्च व तंत्र शिक्षण मंत्री चंद्रकांत पाटील

मुंबई : मुंबईतील दादर येथील राजा शिवाजी विद्यालय येथे माजी आमदार , अखिल भारतीय विद्यार्थी परिषदेचे (ABVP) माजी राष्ट्रीय अध्यक्ष, ज्येष्ठ शिक्षणतज्ज्ञ कै. डॉ. अशोक मोडक यांच्या स्मृतिप्रीत्यर्थ शोकसभा आयोजित करण्यात आली होती. या शोकसभेला उच्च व तंत्र शिक्षण मंत्री चंद्रकांत पाटील यांनी उपस्थित राहून दिवंगत डॉ. मोडक यांना श्रद्धांजली अर्पण केली तसेच त्यांच्यासोबतच्या आठवणींना उजाळा दिला.

या प्रसंगी राष्ट्रीय स्वयंसेवक संघाचे सरकार्यवाह दत्तात्रेय होसाबळे, भारतीय मजदूर संघाचे राष्ट्रीय संघटन मंत्री बी. सुरेंद्रन , मंत्री मंगळप्रभात लोढा , आमदार पराग आळवणी, आमदार निरंजन डावखरे, अभय बापट तसेच शैक्षणिक, सामाजिक व राजकीय क्षेत्रातील अनेक मान्यवर उपस्थित होते.

यावेळी चंद्रकांत पाटील म्हणाले, सामाजिक, शैक्षणिक आणि राजकीय क्षेत्रात डॉ. अशोक मोडक यांनी केलेले कार्य अतुलनीय आहे. समाजहितासाठीची त्यांची तळमळ, मूल्याधिष्ठित शिक्षणाची दूरदृष्टी आणि जनसेवेसाठीचे योगदान सदैव स्मरणात राहील.

माजी आमदार आणि मुंबई विद्यापीठातील राज्यशास्त्राचे निवृत्त प्राध्यापक तसेच अखिल भारतीय विद्यार्थी परिषदेचे माजी राष्ट्रीय अध्यक्ष. डॉ. अशोकराव मोडक यांनी दिल्ली विद्यापीठातून अर्थशास्त्रात एम.ए. आणि राज्यशास्त्रात एम.ए. आणि जेएनयूमधून पीएच.डी. केले. त्यांचा पीएच.डी. विषय “भारताला सोव्हिएत आर्थिक मदत” होता. यामुळे, त्यांना सोव्हिएत रशियाच्या आर्थिक आणि राजकीय समस्यांवरील तज्ज्ञ मानले जात असे. शिक्षण क्षेत्रात निःस्वार्थपणे काम करत, ते एबीव्हीपीच्या माध्यमातून अध्यापन, संशोधन आणि विद्यार्थी आणि युवा विकासात सक्रियपणे सहभागी आहेत. त्यांनी छत्तीसगडमधील बिलासपूर येथील गुरु घासीदास केंद्रीय विद्यापीठाचे कुलपती म्हणून महत्त्वाची जबाबदारी सांभाळली. एक कुशाग्र बुद्धिमत्ता असलेले आणि त्यांच्या टीमचे नेते, यांनी विविध विषयांवर संशोधन केले आहे. त्यांनी 104 प्रबंध आणि 40हून अधिक पुस्तके लिहिली आहेत.