१०० व्या नाट्यसंमेलनासाठी पालकमंत्री चंद्रकांत पाटील यांनी मुख्यमंत्री आणि उपमुख्यमंत्र्याना उदघाटन सोहळ्यासाठी प्रमुख पाहुणे म्हणून उपस्थित राहण्याची केली विनंती
मुंबई : अखिल भारतीय मराठी नाट्य परिषद मुंबई यांनी १०० व्या अखिल भारतीय मराठी नाट्य संमेलनासाठी सोलापूरची निवड करण्यात आली आहे. या संमेलनाचे उद्घाटन सोलापूर जिल्ह्यात दि. २७ जानेवारी २०२४ रोजी संपन्न होणार आहे. सोलापूर जिल्ह्याचा पालकमंत्री तथा १०० व्या नाट्यसंमेलनाचा स्वागताध्यक्ष या नात्याने चंद्रकांत पाटील यांनी आज मुख्यमंत्री आणि उपमुख्यमंत्री यांना आमंत्रण दिले.
चंद्रकांत पाटील यांनी आज मुख्यमंत्री एकनाथ शिंदे, उपमुख्यमंत्री देवेंद्र फडणवीस, आणि उपमुख्यमंत्री अजितदादा पवार यांची भेट घेऊन त्यांना नाट्यसंमेलनाच्या उद्घाटन सोहळ्यासाठी प्रमुख पाहुणे म्हणून उपस्थित राहण्याची विनंती केली.
अखिल भारतीय नाट्य परिषदेतर्फे सोलापुरात जानेवारी महिन्यात १०० व्या विभागीय मराठी नाट्य संमेलनाचे आयोजन करण्यात आले आहे. पुणे विभागात पिंपरी चिंचवड व सोलापूर येथे हे नाट्यसंमेलन आयोजित केले जाणार असून, सोलापूरचे नाट्य संमेलन दिनांक 20 ते 25 जानेवारी 2024 या कालावधीत होणार आहे.