महाराष्ट्र डिजिटल मिडिया संपादक पत्रकार संघटनेच्या दुसऱ्या अधिवेशनाच्या उदघाटन सोहळ्याचे अध्यक्षस्थान चंद्रकांतदादा पाटील यांनी स्वीकारले
मुंबई : डिजिटल मिडिया संपादक पत्रकार संघटना महाराष्ट्राचे दुसरे अधिवेशन कोल्हापूर येथील सिध्दगिरी मठ येथे २९ जानेवारी रोजी होत आहे. या अधिवेशनाच्या उद्घाटन सोहळ्याचे अध्यक्षस्थान राज्याचे उच्च व तंत्रशिक्षण, वस्त्रोद्योग व सांसदीय कार्यमंत्री चंद्रकांतदादा पाटील यांनी स्वीकारले आहे.
संघटनेचे संस्थापक अध्यक्ष राजा माने, मुंबई अध्यक्ष संजय भैरे व ठाणे जिल्हा अध्यक्ष प्रफुल्ल वाघुले यांनी चंद्रकांतदादा यांच्या “सिंहगड”या शासकीय निवासस्थानी त्यांची भेट घेऊन त्यांना सोहळ्याचे निमंत्रण दिले आहे. कोल्हापूर येथील सिध्दगिरी कणेरी मठ येथे होत असलेल्या अधिवेशनाचे स्वागताध्यक्ष राज्य नियोजन मंडळाचे कार्याध्यक्ष तसेच “मित्र”या शासन अंगिकृत उपक्रमाचे उपाध्यक्ष राजेश क्षीरसागर आहेत.संघटनेचे पहिले ऐतिहासिक अधिवेशन सातारा जिल्ह्यात जागतिक किर्तीचे पुस्तकांचे गाव भिलार महाबळेश्वर येथे पार पडले होते.
अधिवेशनाच्या समारोप सोहळ्यात राष्ट्रवादी काँग्रेसचे राष्ट्रीय अध्यक्ष व उपमुख्यमंत्री अजितदादा पवार यांची प्रकट मुलाखत मुलाखत ख्यातनाम निर्माता, दिग्दर्शक, लेखक, अभिनेता गिरीश कुलकर्णी घेणार असल्याची माहिती संघटनेचे संस्थापक अध्यक्ष राजा माने यांनी दिली.