पुणे : उच्च व तंत्र शिक्षण मंत्री चंद्रकांत पाटील यांच्या कोथरुड मतदारसंघातील बाणेर–बालेवाडी परिसरातील विविध महत्त्वपूर्ण विकासकामांचे भूमिपूजन शनिवारी करण्यात आले.
याबाबत बोलताना चंद्रकांत पाटील यांनी म्हटले, परिसराचा सर्वांगीण विकास, सुसज्ज पायाभूत सुविधा आणि नागरिकांच्या जीवनमानात सकारात्मक बदल घडवण्याच्या दिशेने हा टप्पा अत्यंत महत्त्वाचा आहे. कोथरुडचा विकास वेगाने पुढे नेण्यासाठी आम्ही कटिबद्ध आहोत, असेही पाटील यांनी म्हटले.
यावेळी उत्तर मंडल अध्यक्ष लहू बालवडकर, भाजपा नेते गणेश कळमकर, प्रकाश तात्या बालवडकर, प्रल्हाद सायकर, माजी नगरसेविका ज्योती कळमकर, स्वप्नाली सायकर यांच्यासह भाजपाचे सर्व पदाधिकारी आणि स्थानिक नागरिक मोठ्या संख्येने उपस्थित होते.