नात्याला काळिमा फासणारी घटना: पुण्यात विवाहित बहिणीसोबत भावाचं विकृत कृत्य

पुणे: पुण्याजवळील तळेगाव परिसरात नात्याला काळिमा फासणारी घटना उघडकीस आली आहे. येथील एका तरुणाने आपल्या विवाहित मामेबहिणीवर तब्बल अडीच वर्षे अत्याचार केला आहे. पीडित महिलेवर बलात्कार करतानाचे व्हिडीओ पतीला दाखवेल  अशी धमकी देत आरोपीनं पीडितेवर अनेकदा अत्याचार केला आहे.

गेल्या अडीच वर्षांपासून आरोपी आपल्याच मामेबहिणीचं लैंगिक शोषण करत होता. आरोपीच्या सततच्या त्रासाला कंटाळून अखेर 34 वर्षीय पीडित बहिणीने आपल्या आतेभावाविरोधात पोलिसांत तक्रार दिली आहे. पीडित बहिणीच्या तक्रारीनंतर, तळेगाव पोलिसांनी आरोपी आतेभावाविरोधात बलात्कारासह विविध कलमाअंतर्गत गुन्हा दाखल केला आहे. आरोपी तरुणाला पोलिसांनी अद्याप अटक केली नसून या घटनेचा तपास केला जात आहे.

पोलिसांनी दिलेल्या माहितीनुसार, पीडित तरुणी विवाहित असून पुणे जिल्ह्यातील तळेगाव परिसरात वास्तव्याला आहे. दरम्यान एकेदिवशी आरोपी आतेभाऊ पीडितेच्या घरी आला होता. यावेळी पीडित महिलेचा नवरा घरी नव्हता.  नवरा नसल्याची संधी साधून आरोपी आतेभावानं पीडित महिलेवर बळजबरी करत, तिच्यावर बलात्कार केला. नराधम आरोपी एवढ्यावरच थांबला नाही. तर त्याने फिर्यादीवर बलात्कार करतानाचा व्हिडीओ आपल्या मोबाइलमध्ये रेकॉर्ड केला. यानंतर आरोपीनं संबंधित व्हिडीओ पीडितेच्या नवऱ्याला आणि नातेवाईकांना दाखवण्याची धमकी दिली. यानंतर घाबरलेल्या विवाहित बहिणीवर आतेभावानं अनेकदा बलात्कार केला आहे.

Read Also :