सर्वधर्मीय सामुदायिक विवाह सोहळ्यास पालकमंत्री चंद्रकांत पाटील यांची हजेरी… 52 नव दाम्पत्यांना दिल्या भावी आयुष्यासाठी शुभेच्छा
सोलापूर : सोलापूर येथील लोकमंगल फाउंडेशनच्या वतीने आयोजित सर्वधर्मीय सामुदायिक विवाह सोहळ्याला उच्च व तंत्र शिक्षण मंत्री तथा पालकमंत्री चंद्रकांत पाटील यांनी उपस्थित राहून 52 नव दाम्पत्यांना त्यांच्या भावी आयुष्यासाठी शुभेच्छा दिल्या.
यावेळी चंद्रकांत पाटील म्हणाले कि, लोकमंगल फाउंडेशनच्या माध्यमातून सामाजिक काम केले जात असून याचा लाभ परिसरातील सर्व गरजू लोकांना होत आहे. तसेच फाउंडेशनच्या वतीने सामाजिक जबाबदारीचे भान राखले जात असल्याची भावना यावेळी त्यांनी व्यक्त केली. सर्व ५२ नवदाम्पत्यांना पुढील वैवाहिक जीवनासाठी त्यांनी शुभेच्छा दिल्या. प्रारंभी 52 जोडप्याचा आक्षता सोहळा झाला, त्यांनतर कन्यादान करण्यात आले.
याप्रसंगी खासदार जय सिध्देश्वर स्वामी, आमदार सुभाष देशमुख, आमदार सचिन कल्याण शेट्टी, रोहन देशमुख, परमपूज्य जगद्गुरु शिवाचार्य महाराज, हरिभक्त सुधाकर महाराज इंगळे, हिरेमठ महाराज यांच्यासह जिल्हयातील सर्व संत मंडळी उपस्थित होते