अमेरिकन संघावर सात गडी राखून सलग तिसऱ्या विजयासह भारतीय संघाने ‘सुपर – ८’ मध्ये मिळवला प्रवेश

भारतीय संघाने नेणेफेक जिंकून प्रथम गोलंदाजी करण्याचा निर्णय घेतला. अर्षदीपने दमदार कामगिरी करत ४ विकेट्स घेत अमेरिकेला  ११० धावांवर रोखले.  सूर्यकुमार यादव आणि शिवम दुबे यांच्या उत्कृष्ट कमगिरीने सात गडी राखून अमेरिकेचा पराभव केला.  सूर्यकुमारने शानदार अर्धशतक झळकावले. शिवम दुबे याने त्याला चांगली साथ दिली. या दोघांनी मिळून भारताला १८. २ षटकात तीन गडी गमावून १११ धावा करून विजय मिळवला.

अमेरिकेकडून नितीश कुमारने सर्वाधिक २७ धावा केल्या. अमेरिकेने ११० धावांचे लक्ष भारतासमोर ठेवले. भारताची देखील सुरुवात चांगली झाली नाही. विराट कोहलीची पहिली विकेट गमावली. यानंतर रोहित शर्मा देखील बाद झाला. परंतु सूर्यकुमार आणि शिवमने जबाबदारी सांभाळत भारताला  विजय मिळवून दिला. भारताचा उभा स्पर्धेतील सलग तिसरा विजय असून त्याने सहा गुण घेत सुपर ८ मध्ये स्थान निश्चित केले.