पेट्रोल-डिझेलच्या किंमती पुन्हा वाढ; जाणून घ्या आजचे दर

मुंबई: देशात पेट्रोल आणि डिझेलचे दर पुन्हा वाढले आहेत. ताज्या दरवाढीमुळे पेट्रोलची किंमत आता दिल्लीमध्ये 104.44 रुपये प्रति लीटरवरून 104.79 रुपये झाली आहे. डिझेलचे दरही 14 ऑक्टोबर रोजी 93.52 रुपये प्रति लीटरच्या विक्रमी उच्चांकावर पोहोचले आहेत. दिल्लीत तेलाच्या किंमती 35 पैशांनी वाढल्या. त्याचबरोबर मुंबईत पेट्रोल 110.75 रुपये प्रति लीटर झाले आहे. महाराष्ट्राच्या राजधानीत डिझेलची किंमतही वाढून 101.40 रुपये प्रति लीटर झाली आहे.

कोलकातामध्ये इंधनाचे दरही वाढवण्यात आले, जिथे पेट्रोल आणि डिझेलची किंमत आता अनुक्रमे 105.43 रुपये आणि 96.63 रुपये प्रति लीटर आहे. चेन्नईमध्ये लोकांना एका लिटर पेट्रोलसाठी 102.10 रुपये खर्च करावे लागतात, तर तामिळनाडूची राजधानी डिझेलची किंमत 97.93 रुपये प्रति लीटर आहे. स्थानिक करांमुळे पेट्रोल आणि डिझेलचे दर राज्यानुसार बदलतात.

गेल्या 19 दिवसांपैकी 15 दिवसांत डिझेलचे दर वाढले आहेत आणि दिल्लीत किरकोळ किंमत 4.55 रुपये प्रति लीटरने वाढली आहे. 5 सप्टेंबरपासून पेट्रोलचे दर स्थिर राहिले होते, पण तेल कंपन्यांनी अखेर गेल्या आठवड्यापासून पेट्रोलचे दर वाढवले. गेल्या 15 दिवसांपैकी 12 मध्ये पेट्रोलचे दर वाढले आहेत, तेलाच्या किंमती प्रति लीटर 3.25 रुपयांनी वाढल्या आहेत.