कोथरूड मतदारसंघातील प्रत्येक नागरिकाचे आरोग्य उत्तम रहावे, यासाठी मी नेहमीच प्रयत्नशील – चंद्रकांत पाटील
पुणे : उच्च व तंत्र शिक्षण मंत्री चंद्रकांत पाटील हे सध्या पुणे दौऱ्यावर आहेत. यावेळी त्यांनी आपल्या कोथरूड मतदारसंघाला भेट दिली. पाटील नेहमीच कोथरूड मतदारसंघातील नागरिकांच्या उत्तम आरोग्यासाठी प्रयत्नशील असतात. ते नेहमीच विविध उपक्रमांमार्फत नागरिकांसाठी मदतीचा हात पुढे करतात. नुकताच त्यांनी कोथरूडमधील कर्करोगावर उपचारासाठी दोन नागरिकांना मुख्यमंत्री सहायता निधीतून मदत मिळवून दिली.
चंद्रकांत पाटील यांनी माहिती दिली कि, माझ्या कोथरूड मतदारसंघातील प्रत्येक नागरिकाचे आरोग्य उत्तम रहावे, यासाठी मी नेहमीच प्रयत्नशील असतो. यासाठी विविध वैद्यकीय उपक्रम सातत्याने राबवित आहे. कोथरुड मधील सविता वसंत कोमकर आणि शंकर किसन पवार यांच्यावर कर्करोगावर उपचारासाठी मुख्यमंत्री वैद्यकीय सहाय्यता निधीतून मदत मिळवून दिली. यावेळी त्यांच्या चेहऱ्यावरील टिपलेला आनंद अत्यंत समाधानकारक असल्याचे पाटील म्हणाले.