चंद्रकांत पाटील यांनी तेलंगणा निवडणुकीत महत्वपूर्ण कामगिरी करणाऱ्या आमदार सचिन कल्याणशेट्टी यांची घेतली भेट
सोलापूर : नुकत्याच पार पडलेल्या विधानसभा निवडणुकीत भाजपाने आपलं वर्चस्व अबाधित राखत मध्यप्रदेश, राजस्थान आणि छत्तीसगड या राज्यांमध्ये दिमाखदार विजय मिळवला. भारतीय जनता पक्षाने पाच राज्यांच्या निवडणुकांपैकी तेलंगणा विधानसभा निवडणुकीची जबाबदारी सोलापूर जिल्ह्यातील आमदारांवर सोपवली होती. उच्च व तंत्र शिक्षण मंत्री चंद्रकांत पाटील यांनी आज सोलापूर दौऱ्यादरम्यान आमदार सचिन कल्याणशेट्टी यांची भेट घेतली. आमदार सचिन कल्याणशेट्टी यांनी या निवडणुकीत महत्वपूर्ण कामगिरी केली.
चंद्रकांत पाटील यांनी माहिती दिली कि, अक्कलकोटचे आमदार सचिन कल्याणशेट्टी हे कामारेड्डीचे प्रवासी आमदार होते. या मतदारसंघात मुख्यमंत्री केसीआर, कॉंग्रेसचे रेवंत रेड्डी आणि भाजपाचे प्रदेशाध्यक्ष व्यंकट राव यांच्यात लढत होती. आमदार सचिनजींनी योग्य नियोजन आणि बूथ सक्षमीकरणावर भर देऊन व्यंकट रमणा राव यांना विजयी केले. याच निमित्ताने पाटील सचिनजींची भेट घेतली.