अण्णासाहेब पाटील आर्थिक मागास विकास महामंडळाच्या रौप्य महोत्सवी वर्षानिमित्त बोधचिन्हाचे अनावरण
मुंबई : अण्णासाहेब पाटील आर्थिक मागास विकास महामंडळाला २५ वर्षे पूर्ण झाल्याने मुख्यमंत्री एकनाथ शिंदे , उपमुख्यमंत्री देवेंद्र फडणवीस , अजितदादा पवार , मंत्रिमंडळ उपसमिती अध्यक्ष चंद्रकांतदादा पाटील यांच्या हस्ते आज विधानभवन, नागपूर येथे महामंडळाच्या रौप्य महोत्सवी वर्षानिमित्त विशेष लोगोचे अनावरण करण्यात आले.
या लोगो अनावरण प्रसंगी मुख्यमंत्री व उपमुख्यमंत्री महोदयांनी महामंडळाच्या माध्यमातून मराठा उद्योजक घडविताना निधी ची कमतरता भासू देणार नाही अशी ग्वाही देत, महामंडळाला रौप्य महोत्सवी वर्षानिमित्त शुभेच्छा दिल्या.
यावेळी अण्णासाहेब पाटील महामंडळाचे अध्यक्ष, माजी आमदार नरेंद्र पाटील, आमदार अतुल भातखळकर, आमदार प्रकाश आबिटकर, आशिष देशमुख आदी मान्यवर उपस्थित होते.