नियोजनात्मक प्रचारातून विकास कामाची शिदोरी घेवून कार्यकर्त्यांनी मतदारांपर्यंत पोहचावे – चंद्रकांत पाटील
सांगली : सांगली लोकसभा मतदारसंघातील महायुतीचे उमेदवार संजयकाका पाटील यांच्या प्रचारार्थ मिरज येथे आयोजित “मिसळ पे चर्चा” कार्यक्रमाचे आयोजन करण्यात आले होते. यावेळी उच्च व तंत्र शिक्षण मंत्री चंद्रकांत पाटील यांची प्रमुख उपस्थिती होती. या कार्यक्रमात सहभाग घेऊन पाटील यांनी मिसळीचा आस्वाद घेतला.
चंद्रकांत पाटील म्हणाले कि, मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि उपमुख्यमंत्री अजितदादा पवार यांच्या माध्यमातून राज्यात झालेले विकासाचे, जनहिताचे काम पाहता जनता महायुतीच्या पाठीशी ठाम उभी आहे याचा प्रत्यय येतो. त्यामुळे नियोजनात्मक प्रचारातून विकास कामाची शिदोरी घेवून कार्यकर्त्यांनी मतदारांपर्यंत पोहचावे असे आवाहन त्यांनी याप्रसंगी केले.
जिल्ह्याच्या झालेल्या विकासाबाबत नागरिकांनी आनंद व्यक्त करीत नरेंद्र मोदी यांना पुन्हा पंतप्रधान करण्यासाठी आणि जिल्ह्याचा विकासरथ याच पद्धतीने वेगाने पुढे नेण्यासाठी सांगलीत भाजपा प्रणित महायुतीला मोठ्या मताधिक्याने विजयी करण्याचा संकल्प यावेळी करण्यात आला. याप्रसंगी भारतीय जनता पार्टी तसेच महायुतीच्या घटक पक्षातील कार्यकर्ते व पदाधिकारी उपस्थितहोते.