महाविकास आघाडीच्या उमेदवारासोबत अजून एखादा उमेदवार उभा करून मतविभागणी करण्याचा प्रयत्न काही शक्तींकडून केला जातोय – अजित पवार

महागाई, बेरोजगारी, कायदा व सुव्यवस्थेचा उडालेला बोजवारा या मुद्द्यांवर महाविकास आघाडीकडून सभा, रोड शो आयोजित केले जाणार आहेत. त्यात वेगवेगळ्या घटकांना त्या भागातील लोक येऊन मार्गदर्शन करतील, अशी प्रचार यंत्रणा राबवण्यात येईल. पिंपरी-चिंचवड महापालिकेवर पाच वर्षे भाजपचे निर्विवाद बहुमत होते. त्या काळात मोठा भ्रष्टाचार झाला, कोणाचाही वचक नव्हता, याची फार मोठी किंमत पिंपरी-चिंचवड शहराला मोजावी लागली आहे, याची आठवण अजित पवारांनी करून दिली.

पत्रकार हा लोकशाहीचा चौथा स्तंभ असतो. पत्रकारितेवर हल्ले म्हणजे लोकशाही व संविधान धोक्यात आणण्याचे काम होत आहे. राज्यकर्ते कोणीही असले तरी राजकीय हस्तक्षेप न करता जो दोषी असेल त्यावर कडक कारवाई झाली पाहीजे, असे मत अजित पवारांनी मांडले. निवडणुकीला जातीय रंग देण्याच्या प्रश्नावर अजित पवार म्हणाले की, आम्ही हिंदू आहोत, आम्हाला सर्व जाती-धर्म-पंथांबद्दल आदर आहे. महाराष्ट्रात जातीय सलोखा राहून सर्वांनी गुण्यागोविंदाने राहावे, अशी अपेक्षा त्यांनी व्यक्त केली.