एन. चंद्राबाबू नायडू आंध्र प्रदेश, तसेच मोहनचरण माझी ओडिशाच्या मुख्यमंत्री पदी विराजमान झाल्याबद्दल चंद्रकांत पाटलांनी केले अभिनंदन

चंद्राबाबू नायडू यांना शुभेच्छा देताना पाटील म्हणाले कि, हे सरकार आंध्र प्रदेशाला यशाच्या शिखरावर नेण्यासाठी आणि राज्यातील तरुणांच्या आकांशा पूर्ण करण्यासाठी स्वतःला समर्पित करेल. पंतप्रधान नरेंद्र मोदी आंध्र प्रदेशाची सर्वांगीण प्रगती सुनिश्चित करणार. नायडू यांच्या शपथविधी सोहळ्याला पंतप्रधान नरेंद्र मोदी, केंद्रीय मंत्री अमित शाह, जे. पी. नड्डा, नितीन गडकरी, आणि चिराग पासवान यांच्यसमवेत अन्य मान्यवर उपस्थित होते. या सोहळ्यानंतर पंतप्रधान मोदी यांनी चंद्राबाबू यांची गळाभेट घेतली.

तब्बल चारवेळा आमदार म्हणून निवडून येणारे आदिवासी नेते मोहनचरण माझी यांनी देखील ओडिशाच्या मुख्यमंत्री पदाची शपथ घेतली. राज्याचे मुख्यमंत्री होणारे हे पहिलेच भाजप नेते ठरले आहेत. के. व्ही. सिंह देव, प्रवती परिदा यांनी उपमुख्यमंत्री पदाची शपथ घेतली. याबाबत पाटील यांनी अभिनंदन केले. ओडिशामध्ये पहिल्यांदाच भाजपचे सरकार स्थापन झाले हि आनंदाची बाब असल्याचे पाटील म्हणाले.

पाटील यांनी मोहनचरण माझी यांचे अभिनंदन करताना म्हटले पंतप्रधान नरेंद्र मोदी यांच्या गतिमान आणि दूरदर्शी नेतृत्वाखाली भारताने विकास आणि प्रगती पाहिली आहे. त्यांची नाविन्यपूर्ण धोरणे आणि  देशाच्या वाढीसाठी वचनबद्धतेने यशाचे नवे मापदंड प्रस्थिपित  केले आहेत. मला ठाम विश्वास आहे कि याच उत्कृष्टतेचे आणि समर्पणाच्या भावनेने, ओडिशातील दुहेरी इंजिन सरकार, पंतप्रधान मोदींच्या दूरदृष्टीने राज्याला अभूतपूर्व विकास आणि समृद्धीच्या मार्गावर नेईल, असे पाटील म्हणाले.