नागरिक आणि आमदार यांच्यातील थेट संवादामुळे स्थानिक पातळीवरील प्रश्न सोडवण्यास मदत – शंकर जगताप

चिंचवड : आपल्या चिंचवड विधानसभा मतदारसंघातील नागरिकांच्या अडीअडचणी, प्रश्न जाणून घेऊन त्यावर तत्काळ उपाययोजना करता याव्यात, या उद्देशाने रहाटणी परिसरातील थोपटे लॉन्स येथे चिंचवड विधानसभेचे आमदार शंकर जगताप यांच्या वतीने ‘आमदार आपल्या दारी’ हा उपक्रम आयोजित करण्यात आला होता. या उपक्रमास ज्याला नागरिकांचा उत्स्फूर्त प्रतिसाद मिळाला.

याप्रसंगी नागरिकांनी त्यांच्या विविध प्रकारच्या समस्या मांडल्या, ज्यामध्ये प्रामुख्याने रस्ते, पाणीपुरवठा, वीज, स्वच्छता आणि इतर स्थानिक समस्यांचा समावेश होता. यावेळी आमदार शंकर जगताप यांनी स्थानिक नागरिकांनी उपस्थित केलेल्या सर्व समस्या गांभीर्याने ऐकून घेत, सदर समस्यांचे निराकरण करण्यासाठी संबंधित अधिकाऱ्यांना तातडीने निर्देश दिले.तसेच या कार्यक्रमाच्या माध्यमातून राज्य सरकारमार्फत अपंग, विधवा महिला, ज्येष्ठ नागरिक तसेच वंचितांसाठी राबवण्यात येत असलेल्या श्रावण बाळ योजना आणि संजय गांधी निराधार योजनेअंतर्गत पात्र लाभार्थ्यांना पेन्शनपत्रांचे वाटप केले.

‘आमदार आपल्या दारी’ यांसारख्या उपक्रमांमुळे जनतेच्या समस्या थेट लोकप्रतिनिधींपर्यंत आणि अधिकाऱ्यांपर्यंत पोहोचून त्यावर त्वरित कार्यवाही होण्यास मदत होते. तसेच, नागरिक आणि आमदार यांच्यातील थेट संवादामुळे स्थानिक पातळीवरील प्रश्न सोडवण्यास मदत होत असल्याचा विश्वास यावेळी आमदार जगताप यांनी व्यक्त केला.

पहलगाम येथील भ्याड दहशतवादी हल्ल्यात प्राण गमावलेल्या निष्पाप भारतीय नागरिकांना या उपक्रमादरम्यान श्रद्धांजली वाहण्यात आली. यावेळी तहसीलदार जयराज साहेब, भारतीय जनता पार्टीचे कार्यकारी अध्यक्ष शत्रुघ्न काटे माजी नगरसेवक कैलासभाऊ थोपटे, नगरसेवक बाबासाहेब त्रिभुवन, चंद्रकांत नखाते, सविताताई खुळे, स्वीकृत नगरसेवक गोपाळ माळेकर, संदीप गाडे, विनोद तापकीर, संदीप नखाते, मंडल अध्यक्ष सोमनाथ तापकीर, हर्षल नढे, संजय गांधी निराधार योजनेचे अध्यक्ष नरेंद्र माने, सदस्य संजय मराठे, आदितीताई निकम, कुंदाताई गडदे, सामाजिक कार्यकर्ते गणेश नखाते, देविदास तांबे, नरेश खुळे, विशाल माळी, संजय भोसले, बाळासाहेब पवार,रणजीत घुमरे, दिगंबर सुरवसे, युवा मोर्चाचे अध्यक्ष राज तापकीर, संकेत माळेकर, बूथ प्रमुख ब्रह्मा सूर्यवंशी, आकाश जाधव यांच्यासह विविध विभागांचे अधिकारी, पक्षाचे पदाधिकारी आणि कार्यकर्ते उपस्थित होते.