शेती अधिक आधुनिक आणि शाश्वत करण्यासाठी केंद्रीय मंत्री नितीन गडकरी यांच्या संकल्पनेतून आयोजित १६व्या ऍग्रोव्हिजन कृषी प्रदर्शन अत्यंत उपयुक्त
नागपूर : नागपूर येथे आज विदर्भातील शेतकऱ्यांना कृषी क्षेत्रातील आधुनिक तंत्रज्ञान, उत्पन्नवाढीचे नवे मार्ग, तसेच शेतीला फायदेशीर ठरणारे जोडधंदे यांची माहिती मिळावी या उद्देशाने केंद्रीय मंत्री नितीन गडकरी यांच्या संकल्पनेतून आयोजित १६व्या ऍग्रोव्हिजन कृषी प्रदर्शनाच्या समारोप सोहळ्यात उच्च व तंत्र शिक्षण मंत्री चंद्रकांत पाटील यांनी सहभाग घेतला .
या कृषी महोत्सवात शेतीतील नवनवीन यांत्रिकीकरण, संशोधनाधारित पिक व्यवस्थापन, पाणी व बियाणे यांचे वैज्ञानिक नियोजन, सेंद्रिय शेतीच्या सुधारित पद्धती, तसेच कमी खर्चात अधिक उत्पादन देणाऱ्या तंत्रज्ञानाची माहिती जाणून अत्यंत आनंद झाला असल्याचे मत पाटील यांनी व्यक्त केले.
नितीनजींच्या दूरदृष्टीमुळे हजारो शेतकऱ्यांना याचा थेट लाभ होत असून, शेती अधिक आधुनिक आणि शाश्वत करण्यासाठी हे प्रदर्शन अत्यंत उपयुक्त ठरत असल्याचेही ते म्हणाले.
यावेळी केंद्रीय मंत्री नितीन गडकरी, पाशा पटेल यांच्यासह अनेक मान्यवरांची उपस्थित होते.