कोल्हापूर: शेतकरी कामगार पक्षाचे जेष्ठ नेते प्रा. एन. डी. पाटील यांनी वयाच्या ९३ व्या वर्षी अखेरचा श्वास घेतला. कोल्हापुरातील एका खाजगी रूग्णालयात त्यांच्यावर उपचार सुरू होते. त्यांच्या निधनानंतर राज्याच्या सामाजिक आणि राजकीय जीवनातील लढाऊ नेतृत्त्व हरपलं अशी प्रतिक्रिया येत आहे. शेतकऱ्यांच्या विषयावर शेकापचे एक झुंजार नेतृत्व म्हणून त्यांचा महाराष्ट्राच्या राजकारणात दरारा होता. दुपारी १२ वाजताच्या दरम्यान त्यांना ह्दयविकाराचा तीव्र झटका आल्याने त्यांचे निधन झाल्याची माहिती हॉस्पिटल प्रशासनाने दिली. त्यानंतर हॉस्पिटल प्रशासनाने त्यांना मृत घोषित केले.
प्रा. एन. डी पाटील यांच्या पार्थिवावर मंगळवारी अंत्यसंस्कार करण्यात येतील अशी माहिती ग्रामविकास मंत्री हसन मुश्रीफ यांनी दिली. त्यांचे पार्थिव हे शाहू कॉलेज येथे अंत्यदर्शनासाठी ठेवण्यात येणार आहे. एन डी पाटील यांच्यावर प्रकृती अस्वास्थ्यामुळे कोल्हापूरातील एका खाजगी हॉस्पिटलमध्ये उपचार सुरू होते. त्यांना लागोपाठ दोन वेळा ब्रेन स्ट्रोक येऊन गेला होता. त्यामुळे त्यांना बोलताही येत नव्हते. त्यांची प्रकृती सातत्याने ढासळत गेली. अखेर आज दुपारी १२ वाजता त्यांची प्राणज्योत मालवली अशी माहिती रूग्णालयाकडून देण्यात आली.
राजकीय कारकीर्द
१९४८ – शेतकरी कामगार पक्षात प्रवेश
१९५७ – मुंबई गिरणी कामगार संघटनेचे सरचिटणीस
१९६०-६६,१९७०-७६,१९७६-८२ अशी १८ वर्षे महाराष्ट्र विधान परिषदेचे सदस्य
१९६९- १९७८, १९८५ – २०१० – शे.का.प.चे सरचिटणीस
१९७८-१९८० – सहकारमंत्री ,महाराष्ट्र राज्य
१९८५-१९९०- महाराष्ट्र विधानसभा सदस्य (कोल्हापूर मतदारसंघाचे प्रतिनिधी )
१९९९-२००२ – निमंत्रक लोकशाही आघाडी सरकार
महाराष्ट्र राज्य सीमाप्रश्न समितीचे सदस्य व सीमा चळवळीचे प्रमुख नेते
कष्टकरी वर्गाप्रती आस्था असलेला नेता हरपला – शरद पवार
डॉ. एन. डी. पाटील यांच्या निधनाने महाराष्ट्रातील शेतकरी, कष्टकरी वर्गाप्रती आस्था असलेला, जनहिताशी अखेरपर्यंत बांधिलकी जपणारा तत्त्वनिष्ठ व निस्वार्थी नेता आज हरपला आहे. उपेक्षित लोकांच्या प्रश्नांसाठी त्यांनी विधिमंडळातही आवाज उठवला, आपल्या अभ्यासपूर्ण भाषणांनी सभागृह गाजवले. pic.twitter.com/HJy9s1TWgT
— Sharad Pawar (@PawarSpeaks) January 17, 2022
महाराष्ट्रातील ऋषितुल्य असे व्यक्तिमत्व, शेतकरी कामगार पक्षाचे ज्येष्ठ नेते, महाराष्ट्र सरकार मधील माजी मंत्री प्रा. एन. डी. पाटील यांच्या निधनाची बातमी दुःखद आहे. ते अखेरपर्यंत राज्यातील कष्टकरी व शेतकऱ्यांसाठी लढत राहिले. pic.twitter.com/9OpwWDBS45
— Jayant Patil- जयंत पाटील (@Jayant_R_Patil) January 17, 2022
कार्यकर्त्यांचे छत्र हरपले – राजू शेट्टी
भूमी अधिगृहणाची चळवळ असो ऊस दराचा मुद्दा असो किंवा विजेचा प्रश्न असो, तसेच रायगडमधील एसईझेडचा प्रश्न असो अत्यंत पोटतिडकीने हा प्रश्न मांडण्यामध्ये त्यांचा हातखंडा होता. शेतकऱ्यांचा प्रश्न सुटल्याशिवाय ते मागे हटत नसत. नुकत्याच लॉकडाऊन काळातील वीजबिल माफीसाठी करण्यात आलेल्या आंदोलनात ते व्हील चेअरवर येऊन आंदोलनात सहभागी झाले. माझ्यासारख्या हजारो कार्यकर्त्यांचे छत्र हरपले.
ज्येष्ठ नेते प्रा. एन. डी. पाटील यांना माझी भावपूर्ण श्रद्धांजली. राज्याच्या सामाजिक व राजकीय जीवनावर प्रा. पाटील यांचा मोठा प्रभाव राहिला आहे. शेतकरी – कामगार यांचे अनेक प्रश्न त्यांनी वेळोवेळी मांडले व ते सोडवण्यासाठी ते सातत्याने प्रयत्नशील राहिले.
— Nitin Gadkari (@nitin_gadkari) January 17, 2022
महाराष्ट्रातील ऋषितुल्य असे व्यक्तिमत्व, शेतकरी कामगार पक्षाचे ज्येष्ठ नेते, महाराष्ट्र सरकार मधील माजी मंत्री प्रा. एन. डी. पाटील यांच्या निधनाची बातमी दुःखद आहे. ते अखेरपर्यंत राज्यातील कष्टकरी व शेतकऱ्यांसाठी लढत राहिले. pic.twitter.com/9OpwWDBS45
— Jayant Patil- जयंत पाटील (@Jayant_R_Patil) January 17, 2022