पंतप्रधान नरेंद्र मोदी हे आज मुंबई दौऱ्यावर आहेत. मोदींच्या या दौऱ्यावरून विरोधकांनी जोरदार टीका करण्यास सुरुवात केली आहे. खासदार संजय राऊत यांनी मोदींच्या या दौऱ्यावरून टीकास्त्र सोडले आहे. जो पर्यंत मुंबई महापालिकेच्या निवडणुकीची तारीख ठरत नाही, किंवा ते ठरवत नाही, तोपर्यंत त्यांचा मुक्काम दिल्लीतून मुंबईमध्ये सुद्धा होऊ शकतो. करण पंतप्रधानांनाच मुंबई पालिका जिंकायची आहे, अशी खोचक टीका खासदार संजय राऊत यांनी केली आहे.
संजय राऊत यांनी म्हटले कि, जोपर्यंत मुंबई महापालिकेच्या निवडणुकीची तारीख ठरत नाही, किन्वा ते ठरवत नाही, तोपर्यंत त्यांचा मुक्काम दिल्लीतून मुंबईमध्ये सुद्धा होऊ शकतो, करण मुंबई महापालिका जिंकण्यासाठी या राज्यातील भाजप आणि मिंधे गटाला जिंकणे अशक्य आहे. मोदी आले आणि सगळा देश जरी लावला तरी ते जिंकू शकत नाही, याची खात्री झाली आहे, त्यामुळे मोदींचा पत्ता सारखा टाकत आहे, अशी टीका राऊत यांनी केली.
राऊत पुढे म्हणाले कि, पंतप्रधानांवर टीका करायची नाही, दिल्लीत अधिवेशन सुरु आहे. विरोधकांनी भाजपला घेरले असताना पंतप्रधान मुंबईत येत आहेत. रेल्वे हे एक निमित्त आहे मुंबई पालिका त्यांना जिंकायची आहे, ठीक आहे त्यांची तयारी असेल तर आम्हीही तयार आहोत. असे राऊत यांनी म्हटले.