४ मार्चला डिजिटल मिडियाची बारामतीत राज्यस्तरीय कार्यशाळा… सौ. सुनेत्रा अजित पवार यांच्या होणाऱ्या पहिल्याच प्रकट मुलाखतीकडे सर्वांचे विशेष लक्ष

पुणे : डिजिटल मिडिया संपादक पत्रकार संघटना महाराष्ट्रच्या सिध्दगिरी कणेरी मठ येथे झालेल्या ठरावानुसार राज्यातील पत्रकारांसाठी कार्यशाळेचे आयोजन करण्यात येत आहे. येत्या ४ मार्च रोजी बारामती येथे पहिल्या कार्यशाळेचे आयोजन करण्यात येत आहे. यावेळी विविध उपक्रम राबविण्यात येणार आहेत. या कार्यशाळेच्या निमित्ताने प्रथमच सौ.सुनेत्रा अजित पवार यांची प्रकट मुलाखत विशेष औत्सुक्याचा विषय ठरणार आहे.सौ.सुनेत्रा पवार यांची  होत असलेली ही प्रकट मुलाखत नटरंग फेम ख्यातनाम अभिनेत्री सोनाली कुलकर्णी घेणार आहेत. या प्रथमच होणाऱ्या मुलाखतीकडे सर्वांचेच विशेष लक्ष असणार आहे.