पंढरपूर : उच्च व तंत्र शिक्षण मंत्री तथा सोलापूर जिल्ह्याचे पालकमंत्री चंद्रकांत पाटील आज सोलापूर दौऱ्यावर आहेत. यावेळी त्यांनी इस्कॉनच्या माध्यमातून श्रीक्षेत्र पंढरपूर येथे उभारण्यात येणाऱ्या भुवैकुंठ प्रकल्पास सपत्नीक आज भेट दिली.
चंद्रकांत पाटील यांनी यावेळी राधेकृष्णांचे दर्शन घेऊन, या प्रकल्पास शुभेच्छा दिल्या. पाटील यांनी सर्वत्र भेट देऊन पाहणी केली. तेथील उपस्थितांशी त्यांनी संवाद देखील साधला. यावेळी त्यांनी आरती देखील केली. इस्कॉनचे कार्य अतिशय समाधानकारक आहे. हजारो साधक इस्कॉनशी जोडले आहेत. याला सेवेची जोड दिली, तर समाजातील विकासात भर पडेल, अशी भावना याप्रसंगी पाटील यांनी व्यक्त केली.